સુરતના કડોદરા ખાતે આવેલ એક થર્મોકોલના ગોડાઉનમાં અચાનક ભીષણ આગ ફાટી નીકળતા સમગ્ર વિસ્તારમાં હડકંપ મચી ગયો હતો. પ્રાથમિક માહિતી મુજબ શોર્ટ સર્કિટના કારણે આગ લાગી હોવાનું જાણવા મળ્યું છે. ગોડાઉનમાં મોટા પ્રમાણમાં થર્મોકોલના દાણા સંગ્રહિત હોવાથી આગે થોડા જ સમયમાં વિકરાળ સ્વરૂપ ધારણ કર્યું હતું.
ગોડાઉનની બાજુમાં જ વીજ થાંભલો આવેલ હોવાથી વધુ શોર્ટ સર્કિટ થઇ
આગ લાગતાની સાથે જ ગોડાઉન આસપાસ અફરાતફરી સર્જાઈ હતી. ગોડાઉનની બાજુમાં જ વીજ થાંભલો આવેલ હોવાથી વધુ શોર્ટ સર્કિટ થવાની ઘટના બની હતી, જેના કારણે આગ વધુ ફેલાઈ હતી. આ આગની ઝપેટમાં થર્મોકોલના ગોડાઉનની બાજુમાં આવેલ લેથ મશીનોનું કારખાનું પણ આવી જતા નુકસાનની શક્યતા વ્યક્ત કરવામાં આવી રહી છે.
