નશાબંધી ધરાવતા ગુજરાતના આર્થિક પાટનગર સુરતમાં કાયદો અને વ્યવસ્થાના લીરેલીરા ઉડાડતો એક અતિ ભયાનક અકસ્માત સામે આવ્યો છે. સુરતના સરથાણા વિસ્તારમાં એક બેફામ સ્પીડે આવી રહેલી ઈવી કારના ચાલકે રસ્તા પર જતા નિર્દોષ બાઈક અને સ્કૂટર સવારોને અડફેટે લઈને કચડી નાખ્યા હતા. આ હૃદયકંપાવનારી ઘટનાના સીસીટીવી (CCTV) ફૂટેજ પણ સામે આવ્યા છે, જે સોશિયલ મીડિયા પર વાયરલ થતાં લોકોમાં ભારે રોષ જોવા મળી રહ્યો છે. અકસ્માત સર્જનાર નશાખોર કાર ચાલકની ઓળખ થઈ ગઈ છે અને તે વ્યવસાયે એક આર્કિટેક હોવાનું બહાર આવ્યું છે.
દારૂના નશામાં ધૂત હતો
મળતી વિગતો મુજબ, આરોપી 32 વર્ષીય વિજય શંભુભાઈ ભિખડિયા વ્યવસાયે લક્ઝુરિયસ લાઈફ જીવતો આર્કિટેક છે. અકસ્માત સમયે તે દારૂના નશામાં એટલો ધૂત હતો કે તેને પોતાનું ભાન પણ નહોતું.
