Surat: ઉમરામાં બે બાળકોના અપહરણનો પ્રયાસ કરાતા ખળભળાટ, ચોકલેટની લાલચ આપી કારમાં બેસાડ્યા પણ બાળકોએ ચીસાચીસ કરી

સુરતના ઉમરા વિસ્તારમાં બે નાના બાળકોના અપહરણનો પ્રયાસ થવાની ગંભીર ઘટના સામે આવી છે.

બાળકોને પોતાની ગાડીમાં બેસાડવાનો પ્રયાસ કર્યો

 મળતી માહિતી મુજબ, એક વ્યક્તિએ ચોકલેટની લાલચ આપી બાળકોને પોતાની ગાડીમાં બેસાડવાનો પ્રયાસ કર્યો હતો.

બાળકો અચાનક બૂમાબૂમ કરવા લાગ્યા

ઘટનાના સમયે અપહરણકાર બાળકોને કારમાં બેસાડતો હતો ત્યારે બાળકો અચાનક બૂમાબૂમ કરવા લાગ્યા હતા. બાળકોની ચીસો સાંભળતા જ પરિવારજનો અને આસપાસના લોકો દોડી આવ્યા હતા, જેના કારણે અપહરણકારનો પ્રયાસ નિષ્ફળ ગયો હતો.

પોલીસે હર્ષ નામના વ્યક્તિની ધરપકડ કરી

પરિવારજનોની સતર્કતા અને લોકોની ભીડ એકત્ર થતાં અપહરણકાર સ્થળ પરથી ફરાર થવાનો પ્રયાસ કર્યો હતો, પરંતુ તરત જ પોલીસને જાણ કરવામાં આવતા પોલીસે ઝડપી કાર્યવાહી કરી હતી. પોલીસે હર્ષ નામના વ્યક્તિની ધરપકડ કરી વધુ પૂછપરછ શરૂ કરી છે.

પોલીસે તપાસ શરુ કરી

પોલીસ દ્વારા સમગ્ર ઘટનાની તપાસ હાથ ધરવામાં આવી છે અને આરોપી સામે કાયદેસરની કાર્યવાહી કરવામાં આવશે તેમ જણાવાયું છે. આ ઘટનાને પગલે વિસ્તારમાં ચકચાર મચી ગઈ છે અને વાલીઓમાં ચિંતા ફેલાઈ છે. 

આ પણ વાંચો----   Surendranagar : થાનગઢમાં મધરાત્રિએ તંત્રનો સપાટો, સરકારી જમીન પર કરાયેલા 260 ગેરકાયદે દબાણો તોડી પડાયા, 210 કરોડની સરકારી જમીન દબાણમુક્ત