બોટાદ શહેરમાં ગઈકાલે વહેલી સવારે એક ચોંકાવનારી ઘટના સામે આવી છે. એક વ્યક્તિ પર કાર ચઢાવી મારી નાખવાનો પ્રયાસ કરવામાં આવ્યો હોવાની ફરિયાદ નોંધાઈ છે. સમગ્ર બનાવના CCTV ફૂટેજ પણ સામે આવતા મામલો વધુ ગંભીર બન્યો છે.
બાઈક પર કાર ચડાવી હત્યાનો પ્રયાસ કર્યો
ફરીયાદી શબ્બીરભાઈ નિયાતર મુજબ, તેઓ વહેલી સવારે રનિંગ કર્યા બાદ બાઈક પર ઘરે પરત ફરી રહ્યા હતા. તે દરમિયાન સાળંગપુર રોડ પર પહોંચતા જ એક કાર ચાલકે ઈરાદાપૂર્વક તેમની બાઈક પર કાર ચડાવી હત્યાનો પ્રયાસ કર્યો હતો. ઘટનામાં તેઓ ઈજાગ્રસ્ત થયા હોવાનું જાણવા મળ્યું છે.
