વડોદરા જિલ્લાના સાવલી તાલુકામાં આવેલી મંજૂસર ચોકડી પાસેની એક કંપનીમાં આજે અચાનક ભીષણ આગ ફાટી નીકળી હતી. આગ એટલી વિકરાળ હતી કે, જોતજોતામાં તેણે આખી ફેક્ટરીને પોતાની લપેટમાં લઈ લીધી હતી. આકાશમાં દૂર-દૂર સુધી ધુમાડાના ગોટેગોટા દેખાતા સ્થાનિકો અને અન્ય કંપનીના કર્મચારીઓમાં ભારે ગભરાટ ફેલાયો હતો.
ફાયર બ્રિગેડનો કાફલો ઘટના સ્થળે
આગ લાગવાની ઘટનાની જાણ થતા જ સાવલી અને આસપાસના વિસ્તારના ફાયર ફાઈટરો તાત્કાલિક ઘટના સ્થળે દોડી આવ્યા હતા. આગ પર કાબૂ મેળવવા માટે વોટર કેનનનો મારો ચલાવવામાં આવી રહ્યો છે. પ્રાથમિક અંદાજ મુજબ, કંપનીમાં રહેલા જ્વલનશીલ પદાર્થો અથવા કેમિકલને કારણે આગ ઝડપથી પ્રસરી હોવાનું મનાય છે.
