વડોદરાના નેશનલ હાઈવે પરથી એક ચોંકાવનારો વીડિયો સામે આવ્યો છે, જેમાં શ્રમિકો પોતાના જીવના જોખમે મુસાફરી કરતા જોવા મળી રહ્યા છે. વતનની વાટ પકડેલા આ મુસાફરો ખાનગી વાહનોમાં ખીચોખીચ ભરાઈને મુસાફરી કરી રહ્યા છે, જે ગમે ત્યારે મોટી હોનારતને નિમંત્રણ આપી શકે તેમ છે.
નિયમોનું સરેઆમ ઉલ્લંઘન
વાયરલ થયેલા વીડિયોમાં જોઈ શકાય છે કે, ઈકો અને બોલેરો જેવા વાહનોમાં ક્ષમતા કરતા ડબલ મુસાફરો બેસાડવામાં આવ્યા છે. વાહનની અંદર તો ઠીક, પરંતુ વાહનની છત પર પણ સામાનના મોટા પોટલાંઓ સાથે શ્રમિકો બેઠેલા જોવા મળે છે. આ દ્રશ્યો જોઈને સ્પષ્ટ થાય છે કે, અહીં RTOના તમામ કાયદાઓનું સરેઆમ ઉલ્લંઘન કરવામાં આવી રહ્યું છે.
