સંસ્કારી નગરી વડોદરામાં ધુળેટીની ઉજવણી વચ્ચે આફતની ઘટના બની છે. શહેરના સમા વિસ્તારમાંથી પસાર થતી કેનાલમાં બે યુવકો ન્હાવા માટે પડ્યા હતા. કેનાલના પાણીનો પ્રવાહ તેજ હોવાથી બંને યુવકો તણાવા લાગ્યા હતા. જોકે, સદનસીબે એક યુવકનો આબાદ બચાવ થયો છે, જ્યારે તેનો સાથી મિત્ર પાણીમાં ગુમ થઈ ગયો છે.
ફાયર બ્રિગેડનું સર્ચ ઓપરેશન
ઘટનાની જાણ થતા જ આસપાસના લોકો કેનાલ કાંઠે એકઠા થઈ ગયા હતા અને તાત્કાલિક ફાયર બ્રિગેડને જાણ કરી હતી. વડોદરા ફાયર બ્રિગેડની ટીમ ઘટના સ્થળે દોડી આવી છે અને લાપતા યુવકની શોધખોળ માટે કેનાલમાં સર્ચ ઓપરેશન હાથ ધર્યું છે. તરવૈયાઓ દ્વારા પાણીના ઊંડાણમાં તપાસ કરવામાં આવી રહી છે, પરંતુ હજુ સુધી કોઈ પત્તો મળ્યો નથી.
