વડોદરા જિલ્લાના સાવલી તાલુકાના ખાંડી ગામમાં ફાર્મ હાઉસમાં થયેલી ફાયરિંગની ઘટનામાં ભાદરવા પોલીસે ફાયરિંગ કરનારા આરોપી ફાર્મ હાઉસના માલિક છગન પટેલને આર્મ્સ એક્ટ હેઠળ ધરપકડ કરી જેલ ભેગો કર્યો છે.
ગુમ થયેલી યુવતીને ડભોઇથી શોધવા આવેલા પાંચ ઈસમો પર ફાયરિંગ કર્યું
પોલીસની પ્રાથમિક તપાસમાં જાણવા મળ્યું કે, ગુમ થયેલી યુવતીને ડભોઇથી શોધવા આવેલા પાંચ ઈસમો અને ફાર્મ હાઉસના માલિક છગન પટેલ વચ્ચે ઉગ્ર બોલાચાલી થઈ. તે દરમિયાન છગન પટેલે ફાયરિંગ કર્યું, જેમાં એક ફાયર હવામાં અને બીજું ફાયર ડભોઇથી આવેલા ઈસમો જ્યારે ઈકો કારમાં પરત જતા હતા તે સમયે થયું. આ ફાયરિંગમાં નિમેશ બારીયા નામનો યુવક ઈજાગ્રસ્ત થયો હતો.
