Vadodara : જાહેર માર્ગ પર દારૂની મહેફિલ, પોલીસ મથકથી 100 મીટર દૂર જ બની ઘટના, પોલીસનું નાક કપાયું

સંસ્કારી નગરી વડોદરાને કલંકિત કરતો કિસ્સો બહાર આવ્યો છે. વાયરલ થયેલા વીડિયોમાં સયાજીગંજ પોલીસ સ્ટેશન પાસે જ જાહેર માર્ગ પર જ કારમાં દારુની મહેફિલ ચાલી રહી હોવાનો દાવો કરાયો છે. 

સંસ્કારી નગરી વડોદરાને કલંક લગાડતો એક કિસ્સો 

સંસ્કારી નગરી વડોદરાને કલંક લગાડતો એક કિસ્સો સામે આવ્યો છે. સયાજીગંજ વિસ્તારમાં ડેરીડેન સર્કલની નજીક ત્રણ યુવકો કારમાં બેઠા હતા, જેમાં આગળ બેસેલા યુવકે જાહેર સ્થળે દારૂ પી રહ્યો હોવાનો દાવો કરતો વીડિયો વાયરલ થતાં ખળભળાટ મચ્યો છે

સોશિયલ મીડિયામાં વાયરલ વીડિયોમાં દાવો

આ ઘટનાનો એક જાગૃત નાગરિકે વીડિયો બનાવ્યો હતો જે હાલમાં સોશિયલ મીડિયામાં વાયરલ થઈ રહ્યો છે..

સયાજીગંજ પોલીસ મથક માત્ર 100 મીટર દૂર

નવાઇની વાત એ છે કે કારમાં બેઠેલા શખ્સોને પોલીસની જાણે કે કોઇ બીક જ નથી. સયાજીગંજ પોલીસ મથકથી માત્ર 100 મીટરની દૂર જ તેઓ કારમાં દારુ પી રહ્યા હોવાનો દાવો કરાયો છે

પોલીસનો ડર રાખ્યા વગર બિન્ધાસ્ત બનીને આ શખ્સો દારુ સાથે કારમાં બેઠેલા છે

જાહેર માર્ગ પર ધમધમતા ટ્રાફિક વચ્ચે પોલીસનો ડર રાખ્યા વગર બિન્ધાસ્ત બનીને આ શખ્સો દારુ સાથે કારમાં બેઠેલા છે અને આસપાસ ચહલ પહલ પણ થઇ રહી છે. પોલીસે આ બાબતે તપાસ કરવી જોઇએ તેવી માગ વ્યક્ત કરાઇ છે

આ પણ વાંચો-----    Surendranagar : થાનગઢમાં મધરાત્રિએ તંત્રનો સપાટો, સરકારી જમીન પર કરાયેલા 260 ગેરકાયદે દબાણો તોડી પડાયા, 210 કરોડની સરકારી જમીન દબાણમુક્ત