Vadodara : તાંદલજામાં નવા બનેલા રસ્તાના નિર્માણમાં વિવાદ, સ્થાનિકોએ ત્રણ વાંદરા બતાવી વિરોધ કર્યો

વડોદરા શહેરના તાંદલજા વિસ્તારમાં નવા બનાવેલા રોડને લઈને સ્થાનિકોએ ઉગ્ર વિરોધ કર્યો છે. આશરે એક મહિના પહેલા જ આ રસ્તો બનાવાયો છે પણ રસ્તો હલકી કક્ષાનો બનાવામાં આવ્યો છે.

16 મીટરને બદલે 14 મીટરનો રોડ બન્યો

સ્થાનિકોએ કહ્યું હતું કે 16 મીટરનો રોડ બનાવવાની જાહેરાત છતાં રોડ માત્ર 14 મીટરનો જ બનાવ્યો છે અને તેની ગુણવત્તા પણ હલકી છે.

સત્તાધીશોને 3 વાંદરા બતાવ્યા

સ્થાનિકોએ આ મુદ્દે અનોખો વિરોધ કર્યો અને પોસ્ટર-બેનર સાથે સત્તાધીશોને 3 વાંદરા બતાવ્યા હતા. સ્થાનિકોનું કહેવું છે કે, "કોન્ટ્રાકટર સામે જુઓ, સાંભળો કે બોલો નહીં એ વાંદરા પાલિકામાં છે."

આડેધડ ગ્રાન્ટ વાપરવા કોન્ટ્રાકટરને ફાયદો

તેમજ લોકોએ આ આરોપ લગાવ્યો કે, "ચૂંટણી આવતા આડેધડ ગ્રાન્ટ વાપરવા કોન્ટ્રાકટરને ફાયદો થયો છે."

કોન્ટ્રાક્ટરે રસ્તો હલકી કક્ષાનો બનાવ્યો હોવાના આરોપોને ફગાવ્યા

બીજી તરફ કોન્ટ્રાકટરના નિવેદન મુજબ અમે પાલિકાને દબાણ હટાવવાનું કહ્યું હતું પણ પાલિકા રસ્તો ખુલ્લો ના કરે તો અમે શું કરીએ. કોન્ટ્રાક્ટરે રસ્તો હલકી કક્ષાનો બનાવ્યો હોવાના આરોપોને ફગાવ્યા હતા.

આ પણ વાંચો-----     Rajkot : ખોડલધામમાં આનંદીબેન પટેલની પુત્રી અનાર પટેલને સંગઠન અધ્યક્ષ તરીકે જવાબદારી સોંપાઇ