વડોદરા નજીક સાંકરદા ગામે આવેલ એમ.ડી. મોટર્સ ફિટનેસ સેન્ટરને ખોટા ફિટનેસ સર્ટિફિકેટ આપવા બદલ 6 મહિના માટે લાઈસન્સ સસ્પેન્ડ કરી દેવામાં આવ્યું છે. તપાસમાં ખુલાસો થયો કે, સંચાલકે 29 વાહનોને ખોટા ફિટનેસ સર્ટિફિકેટ આપ્યા હતા. ખોટા સર્ટિફિકેટ ફિઝિકલ વાહન વગર જ જાહેર કરવામાં આવ્યા, જેને ટ્રાન્સપોર્ટ કચેરીએ નોંધ્યું. એમ.ડી. મોટર્સમાં ઇન્સ્પેક્શન કર્યા પછી આ કાર્યવાહી કરી.
મોટા ભાગના વાહનો રાજ્ય બહારના
ખોટા સર્ટિફિકેટમાં મોટા ભાગના વાહનો રાજ્ય બહારના હોવાનું પણ જાણવા મળ્યું. અન્ય વાહન ફિટનેસ સેન્ટરોમાં પણ ગેરરીતિ ચાલતી હોવાની આશંકા છે. લોકોએ અન્ય સેન્ટરો પર પણ તપાસ અને યોગ્ય કાર્યવાહીની માંગ કરી છે.
