વડોદરાના વિવિધ ટ્રાફિક સિગ્નલો પર હાલમાં નાના બાળકો અને નવજાત શિશુઓને ખોળામાં રાખી ભીખ માંગતી મહિલાઓ તેમજ વિકલાંગતાનો ડોળ કરતા ભિક્ષુકોની સંખ્યા વધી છે. ઉત્તરાયણના પર્વમાં લોકો ઉદાર હાથે દાન આપતા હોવાથી આ ટોળકીઓ સક્રિય બની છે.
પોલીસને જોઈ ભિક્ષુકોની દોટ
જ્યારે AHTU ની ટીમ ગેંડા સર્કલ પાસે તપાસ માટે પહોંચી ત્યારે ભિક્ષુકોના વેશમાં રહેલી મહિલાઓ અને બાળકીઓ રિક્ષામાં બેસીને નાસી છૂટી હતી. ચોંકાવનારી વાત તો એ બની કે, આંબેડકર સર્કલ પાસે જે ભિક્ષુકો અત્યાર સુધી શારીરિક અસમર્થ હોવાનો ડોળ કરતા હતા, તેઓ પોલીસની ગાડી જોતા જ સામાન્ય માણસ કરતા પણ વધુ ઝડપે દોડવા લાગ્યા હતા. આ દ્રશ્યોએ સાબિત કર્યું કે ભીખ માંગવી એ હવે માત્ર મજબૂરી નહીં પણ એક સંગઠિત વ્યવસાય બની ગયો છે.
