વડોદરા શહેરની મધ્યમાંથી પસાર થતી વિશ્વામિત્રી નદીના કાંઠેથી એક અજાણ્યા યુવકની લાશ મળી આવતા સમગ્ર પંથકમાં ચકચાર મચી ગઈ છે. નદી કિનારે આવેલા કોતરોની ગીચ ઝાડીઓમાં છુપાયેલી હાલતમાં આ મૃતદેહ મળી આવ્યો હતો. સ્થાનિક લોકોએ આ અંગેની જાણ કરતા જ પોલીસનો મોટો કાફલો અને ઉચ્ચ અધિકારીઓ તાત્કાલિક ઘટનાસ્થળે દોડી આવ્યા હતા. પ્રાથમિક દ્રષ્ટિએ આ મામલો અત્યંત શંકાસ્પદ જણાતા પોલીસે ઊંડી તપાસ માટે ફોરેન્સિક સાયન્સ લેબોરેટરી (FSL) ની ટીમની મદદ લીધી છે.


સ્થાનિક પોલીસ અને અધિકારીઓ ઘટનાસ્થળે પહોંચ્યા

ઘટનાસ્થળે પહોંચેલી FSL ટીમે નમૂનાઓ એકત્ર કરી તપાસ શરૂ કરી છે, પરંતુ હજુ સુધી મૃતક યુવકની ઓળખ થઈ શકી નથી. યુવકની લાશ ઝાડીઓમાં જે હાલતમાં મળી આવી છે તે જોતા આ હત્યા છે કે આત્મહત્યા, તે અંગે અનેક તર્ક-વિતર્ક સર્જાયા છે. પોલીસે આસપાસના વિસ્તારના ગુમ થયેલા વ્યક્તિઓની વિગતો મેળવવાની સાથે સાથે સીસીટીવી ફૂટેજ ચકાસવાની કાર્યવાહી પણ હાથ ધરી છે. પોલીસે પંચનામું પૂર્ણ કર્યા બાદ મૃતદેહને પોસ્ટમોર્ટમ માટે વડોદરાની સયાજી હોસ્પિટલ (SSG) ખાતે ખસેડ્યો છે.

Also Read

મૃતક યુવકની ઓળખ હજુ સુધી થઈ શકી નથી

પોસ્ટમોર્ટમ રિપોર્ટ આવ્યા બાદ જ યુવકના મોતના સાચા કારણ પરથી પડદો ઊંચકાશે. હાલમાં પોલીસે અકસ્માતે મોતનો ગુનો નોંધીને વિવિધ દિશાઓમાં તપાસના ચક્રો ગતિમાન કર્યા છે. આ ઘટનાને પગલે નદી કાંઠે રહેતા રહીશોમાં ભય અને કુતૂહલ જોવા મળી રહ્યું છે.

ગુજરાતના વધુ સમાચાર વાંચવા માટે ક્લિક કરો

  • Follow us on: