Vadodara : વિઝા કન્સલ્ટન્ટે વલસાડની યુવતીને સિંગાપોરના વર્ક પરમિટ વિઝા આપવાના બહાને 8.25 લાખ વસુલ્યા

વડોદરાના વિઝા કન્સલ્ટન્ટે વલસાડની યુવતીને સિંગાપોરના વર્ક પરમિટ વિઝા બનાવી આપવાનું કહી 8.25 લાખ પડાવ્યા હોવાનો બનાવ બન્યો છે. પોલીસે આ મામલે ગુનો નોંધી તપાસ શરુ કરી છે.

મિલને મહિલાને સિંગાપોરના વર્ક પરમિટ વિઝા બનાવવાની વાત કહી રૂ. 9.80 લાખ વસૂલ્યા

વલસાડની યુવતી જીનલબેન ગણપતભાઈ પટેલ સાથે વડોદરામાં ઓફિસ ધરાવતા વિઝા એજન્ટ મિલીનકુમાર ઇન્દ્રવદન પટેલે વિશ્વાસઘાત કર્યો છે. મિલને મહિલાને સિંગાપોરના વર્ક પરમિટ વિઝા બનાવવાની વાત કહી રૂ. 9.80 લાખ વસૂલ્યા હતા પરંતુ વિઝા નથી આપવામાં આવ્યા.

ઘટનાની વિગત

વર્ષ 2024માં જિનલબેનને સિંગાપોરમાં નોકરી માટે વિઝાની જરૂર હતી. તેમના બોસ હસમુખજી વોરા દ્વારા તેની ઓળખ કરાવતા તેમણે મિલીન પટેલની શિવાય ઓવરસીસ સાથે સંપર્ક કર્યો. વિઝા માટે રૂ. 11 લાખનો ખર્ચ કહેવામાં આવ્યો, જેમાં એજન્ટે રૂ. 1.95 લાખ ઓનલાઇન માંગ્યા અને બાકીના રૂપિયા નાના ભાગમાં રૂ. 9.80 લાખ માગ્યા. પૈસા આપ્યા પછી એજન્ટે વિઝાનું કામ પૂર્ણ ન કર્યું અને માત્ર રૂ. 1.55 લાખ જ પરત આપ્યા. બાકી રૂ. 8.25 લાખ પરત ન આપ્યાં.

કાયદાકીય કાર્યવાહી

જીનલબેને આ મામલે માંજલપુર પોલીસ સ્ટેશનમાં ફરિયાદ નોંધાવી, જેમાં જણાવ્યું કે મિલીન પટેલે વિઝા આપ્યા ન હતા અને પૈસા પડાવી છેતરપીંડી આચરી છે. પોલીસે આ મામલે ગુનો નોંધીને તપાસ શરૂ કરી છે

આ પણ વાંચો--    Vadodara News: દુબઈથી આવેલા યુવકને રોકીને ધમકી આપીને 50 લાખની ખંડણી માંગી, સેન્ટ્રલ જેલના હવલદાર સહિત બે લોકોની ધરપકડ