Anand : વાસદ પોલીસે રડતી હાલતમાં મળેલા ત્રણ વર્ષના બાળકને તેના પરિવાર સાથે સફળતાપૂર્વક મિલન કરાવ્યું

વાસદ પોલીસે પ્રશંસનીય માનવતા દર્શાવતા રસ્તા પર રડતી હાલતમાં મળેલા ત્રણ વર્ષના બાળકને તેના પરિવાર સાથે સફળતાપૂર્વક મિલન કરાવ્યું છે. પોલીસ ટીમ નેશનલ હાઇવે નજીક નીલકંઠ પાર્ટી પ્લોટ સામે પેટ્રોલિંગ કરી રહી હતી ત્યારે બાળક તેમને મળ્યો હતો.

 પોલીસે ગામના આગેવાનો અને સોશિયલ મીડિયાની મદદ લીધી

બાળક રડી રહ્યો હતો અને પોતાના પરિવારથી વિખૂટો પડી ગયો હતો. પોલીસે તાત્કાલિક તેની સંભાળ લીધી અને આસપાસની સોસાયટીઓમાં વાલીઓ અંગે પૂછપરછ શરૂ કરી. શરૂઆતમાં કોઈ માહિતી ન મળતા, પોલીસે ગામના આગેવાનો અને સોશિયલ મીડિયાની મદદ લીધી.

થોડા સમય બાદ બાળકના વાલીઓની માહિતી મળી

થોડા સમય બાદ બાળકના વાલીઓની માહિતી મળી આવી. પોલીસે તેમને સંપર્ક કરી સ્ટેશન બોલાવ્યા. વાલીઓએ બાળકને ઓળખી જણાવ્યું કે તેઓ લગ્ન પ્રસંગની તૈયારીમાં વ્યસ્ત હતા અને આ દરમિયાન બાળક બહાર નીકળી ગયો હતો.

વાસદ પોલીસનો આભાર વ્યક્ત કર્યો

પોલીસે બાળકને સુરક્ષિત રીતે તેના પરિવારને સોંપતા વાલીઓ તથા કુટુંબીજનોએ વાસદ પોલીસનો આભાર વ્યક્ત કર્યો હતો. પોલીસની આ ઝડપી અને માનવતાભરી કામગીરીને સ્થાનિક લોકોએ પણ વખાણી હતી.

આ પણ વાંચો----  Patan: બસમાંથી 6.5 તોલા સોનાના દાગીનાની ચોરી કરનારી 3 મહિલા ઝડપાઇ, 8.64 લાખનો મુદ્દામાલ જપ્ત