Ahmedabad Rain News: વરસાદ બાદ રસ્તાઓ પર ખાડાઓ પડવાની સંખ્યામાં વધારો

અમદાવાદમાં વરસાદી માહોલ શાંત થયો છે. વરસાદ વરસાતાની સાથે પાણી ભરાવવાની સમસ્યા જોવા મળે છે. નીચાણવાળા વિસ્તારોમાં રહેતા લોકોને હાલાકી ભોગવવી પડે છે. તો રોડ રસ્તા પર વાહન ચલાવતા ચાલકોને પરેશાનીનો સામનો કરવો પડે છે. ચોમાસાની શરૂઆત થતા જ મુશ્કેલીઓની સંખ્યા પણ વધતી જાય છે. વરસાદે હાલ વિરામ લીધો છે. તો રસ્તા પર ભૂવા પડવાની સમસ્યાએ સ્થાનિકોને પરેશાન કર્યા છે. અમદાવાદના વિવિધ સ્થળો પર ભૂવો પડવાની ફરિયાદો ઉઠી રહી છે.

અમદાવાદમાં ભૂવાઓનું સામ્રાજ્ય

અમદાવાદના પાલડી ચાર રસ્તા પર ભૂવો પડ્યો છે. જેના કારણે વાહન ચાલકો પરેશાન છે. અને ટ્રાફિક સમસ્યાઓ જોવા મળી રહી છે. ભૂવો પડતા બેરિકેડિંગ કરી રોડ બ્લોક કરવામાં આવી રહ્યા છે. સતત 3 દિવસથી વરસાદ પડતા પાણી ભરાયા હતા. અને હાલ વરસાદે વિરામ લેતા ઠેર-ઠેર ભૂવા સામ્રાજ્ય દેખાઇ રહ્યુ છે. અને સ્થાનિકોને હાલાકી ભોગવવાનો વારો આવ્યો છે. તંત્રની કામગીરી નિષ્ફળ સાબિત થઇ છે.

વરસાદે ખોલી તંત્રની પોલ

પ્રિ-મોનસૂન કામગીરી નિષ્ફળ નીવડી છે. ચોમાસાની શરૂઆતમાં જ તંત્રના દાવા પોકળ સાબિત થયા છે. જેના કારણે સ્થાનિકો પરેશાન થયા છે. મનપા પાસે વારંવાર રજૂઆત કરાયા છતા પણ કોઇ નક્કર કાર્યવાહી કરાઇ નથી. અમદાવાદ મેટ્રો સીટીમાં વરસાદી પાણી ભરાવવું, ગટરો ઉભરાવવી, રસ્તા પર ભૂવા પડવા વગેરે જેવી સમસ્યાઓને નાબૂદ કરવા માટે તંત્રની કામગીરી જરુરી છે.