અરબી સમુદ્રમાં સર્જાયેલું શક્તિ વાવાઝોડુ આવતીકાલે નબળુ પડી શકે તેવી હવામાન વિભાગ દ્વારા સંભાવનાઓ વ્યક્ત કરાઈ હતી. આ વાવાઝોડાની અસર રાજ્યના અલગ અલગ વિસ્તારોમાં જોવા મળી છે. ત્યારે અમદાવાદ શહેરમાં આજે સવારથી જ વાતાવરણમા પલટો આવ્યો હતો. વાદળછાયા વાતાવરણ વચ્ચે શહેરમાં કેટલીક જગ્યાએ હળવો વરસાદ ખાબક્યો હતો. હાલમાં શહેરમાં કેટલાક વિસ્તારોમાં ધોધમાર વરસાદ શરૂ થયો છે.
અમદાવાદમાં ધોધમાર વરસાદ
અમદાવાદ શહેરમાં આજે સવારથી જ આકાશમાં વાદળો જોવા મળ્યા હતાં. કેટલાક વિસ્તારમાં નાના ઝાપટાં પણ પડ્યા હતાં. હાલમાં શહેરમા બોડકદેવ અને વસ્ત્રાપુર સહિતના વિસ્તારોમાં ધોધમાર વરસાદ શરૂ થયો છે. ભારે વરસાદને કારણે વાહનચાલકોને મોટી હાલાકીનો સામનો કરવો પડ્યો છે. શહેરમાં રોકાયેલો વરસાદ ફરી શરૂ થતાં શહેરીજનોને મુશ્કેલીઓનો સામનો કરવો પડ્યો છે.અમદાવાદ સહિત ચોટીલા શહેર અને ગ્રામ્ય વિસ્તારોમાં પણ વરસાદ ખાબક્યો છે.
