Dang rain news: સાપુતારામાં ધુમ્મસ ભર્યા વાતાવરણમાં પ્રવાસીઓની ભીડ જામી, ઝરમર વરસાદમાં બોટિંગની મજા માણી

ગુજરાતમાં ડાંગ જિલ્લામાં વરસાદને કારણે કુદરતી સૌંદર્ય ખીલી ઉઠ્યું છે. જિલ્લાની મુખ્ય ચાર નદીઓમાં પૂરની સ્થિતિ સર્જાઈ છે. વરસાદને પગલે ગિરી મથક સાપુતારામાં ધુમ્મસભર્યુ વાતાવરણ સર્જાયું છે. સાપુતારામાં પ્રવાસીઓએ આહલાદક વાતાવરણની મજા માણી હતી. ભારે વરસાદને કારણે અંબિકા, ગીરા, ખાપરી, પૂર્ણા નદી બે કાંઠે વહેતી થઈ છે. વિકેન્ડ હોવાથી સાપુતારામાં અનેક પ્રવાસીઓની ભીડ જામી છે.

નવસારીમાં પૂરની શકયતાઓ સેવાઈ રહી છે

ડાંગ જિલ્લામાં ભારે વરસાદને કારણે ચાર મુખ્ય નદીઓમા પુરની સ્થિતિ સર્જાઈ છે. જેમાં અંબિકા , ગીરા , ખાપરી અને પૂર્ણા નદીઓમાં પુર આવતા બે કાંઠે વહેતી થઈ છે.વિકેન્ડ હોવાથી રાજ્યના ખૂણે ખૂણેથી પ્રવાસીઓ ડાંગ જિલ્લામાં ફરવા માટે આવી રહ્યાં છે. વરસાદની સ્થિતિ વચ્ચે રેઈનકોટ પહેરીને સાપુતારામાં પ્રવાસીઓ ફરવાની મજા માણી રહ્યાં છે. વરસાદી વાતાવરણમાં પ્રવાસીઓએ બોટિંગની મજા માણી હતી.

વરસાદને કારણે ધોધ અને ઝરણાં જીવંત થયાં

ડાંગ જિલ્લામાં હાલમાં વરસાદને કારણે ધોધ અને ઝરણાં જીવંત થયાં છે. ચોમાસાની રાહ જોઈને બેઠેલા પ્રવાસીઓનો ડાંગ જિલ્લામાં ઘસારો વધી રહ્યો છે. બીજી તરફ વઘઈ રોડ પર એક પ્રવાસીએ શિકારન શોધમાં નીકળેલા દીપડાનો વીડિયો વાયરલ કરતાં તંત્રએ પ્રવાસીઓને જંગલ વિસ્તારમાં કારમાંથી નીચે નહીં ઉતરવા અપીલ કરી છે. અંદાજે 100 મીટર ના ઊંચાઈથી પડતો ગીરમાળ ધોધ પ્રવાસીઓ માટે યાદગાર સંભારણું બની રહ્યું છે.