Dangમાં ભેગું ધોધમાં એકાએક પાણીનો પ્રવાહ વધતા પ્રવાસીઓ અટવાયા, લોકો જોખમી સાહસ કરતા નજરે પડ્યા

ડાંગ જિલ્લાના કોષમાળ ગામે આવેલ ભેગું ધોધમાં એકાએક પાણીનો પ્રવાહ વધતા પ્રવાસીઓ અટવાયા હતા. પ્રવાસીઓ એકબીજાનો હાથ પકડી બહાર નીકળતા હોય તેવો વીડિઓ સોશિયલ મીડિયામાં વાયરલ થયો છે. જિલ્લા વહીવટી તંત્ર દ્વારા નદી ધોધ નજીક જવા પ્રતિબંધ ફરમાવ્યો હોવા છતાં પ્રવાસીઓ ધોધ નીચે જતાં તંત્રના દાવા પોકળ સાબીત થયા છે.

ભેગું ધોધ પર સહેલાણીઓ અટવાયા

ડાંગમાં ભેગું ધોધ પર સહેલાણીઓ અટવાયા છે. એકબીજાનો હાથ પકડીને મહામહેનતે બહાર આવ્યા હતા. જિલ્લા વહીવટી તંત્ર તરફથી ધોધ નજીક જવા પર પ્રતિબંધ મુકાયો છે. છતા લોકો આવા જોખમી સાહસ કરતા નજરે પડ્યા છે. લોકો ડાંગમાં કુદરતી નજારો માણવા જતા હોય છે. જિલ્લાની મુખ્ય ચાર નદીઓમાં પૂરની સ્થિતિ સર્જાઈ છે. વરસાદને પગલે ગિરી મથક સાપુતારામાં ધુમ્મસભર્યુ વાતાવરણ સર્જાયું છે.

અવિતર વરસાદ પગલે નદીઓ બે કાંઠે વહી રહી

ડાંગ જિલ્લામાં અવિતર વરસાદ પગલે નદીઓ બે કાંઠે વહી રહી છે. ઉપરવાસમાં ભારે વરસાદના પગલે ડાંગની મુખ્ય નદીઓ બે કાંઠે વહી રહી છે. હાલ ડાંગમાં ભારે વરસાદના પગલે પ્રવાસીઓનો ધસારો જોવા મળી રહ્યો છે. લોકો ડાંગમાં કુદરતી નજારો માણવા જતા હોય છે. જિલ્લાની મુખ્ય ચાર નદીઓમાં પૂરની સ્થિતિ સર્જાઈ છે. વરસાદને પગલે ગિરી મથક સાપુતારામાં ધુમ્મસભર્યુ વાતાવરણ સર્જાયું છે. સાપુતારામાં પ્રવાસીઓએ આહલાદક વાતાવરણની મજા માણી હતી. ભારે વરસાદને કારણે અંબિકા, ગીરા, ખાપરી, પૂર્ણા નદી બે કાંઠે વહેતી થઈ છે. વિકેન્ડ હોવાથી સાપુતારામાં અનેક પ્રવાસીઓની ભીડ જામી છે.