બનાસકાંઠામાં વરસાદી આફતમાં વહીવટી તંત્ર અને પોલીસની રાઉન્ડ ધ કલોક કામગીરી સામે આવી છે, પોલીસ અધિક્ષક પ્રશાંત સુમ્બેના નેતૃત્વમાં 160થી વધુ પોલીસ જવાનો રાહત બચાવ કાર્યોમાં લાગ્યા છે.
બનાસકાંઠાની પોલીસ સુઈગામમાં લોકોની પડખે છે
બનાસકાંઠા જિલ્લાના સુઈગામ, ભાભર, વાવ અને થરાદ તાલુકામાં વરસાદને પગલે અસરગ્રસ્ત થયેલ વિસ્તારમાં જિલ્લા કલેકટર મિહિર પટેલની આગેવાની હેઠળ વહીવટી તંત્ર દ્વારા રાઉન્ડ ધ કલોક કામગીરી કરવામાં આવી રહી છે. બનાસકાંઠા જિલ્લા પોલીસ અધિક્ષક પ્રશાંત સુમ્બેના નેતૃત્વમાં સેવા, સુરક્ષા અને શાંતિના સૂત્ર સાથે પોલીસ વિભાગ સરહદી વિસ્તારમાં રાત દિવસ કામ કરી રહ્યો છે. પૂર હોય, તોફાન હોય, સુરક્ષા બંદોબસ્ત હોય કે પછી કોઈકની મદદ કરવાનો સમય હોય દરેક વખતે જનતાની પડખે ઊભું રહેવાનું કામ પોલીસે કરી બતાવ્યું છે.
