સમગ્ર ગુજરાતમાં છેલ્લા કેટલાક દિવસથી ચાલી રહેલા વરસાદી માહોલ વચ્ચે રાજ્યના કુલ 209 તાલુકાઓમાં નોંધપાત્ર વરસાદ નોંધાયો છે. સૌથી વધુ વરસાદ દક્ષિણ ગુજરાતના વલસાડ જિલ્લાના કપરાડા તાલુકામાં 7.17 ઇંચ પડ્યો છે. આ ઉપરાંત, બોટાદમાં 3.5 ઇંચ, પોશીનામાં 3.27 ઇંચ અને પડધરીમાં 3.15 ઇંચ વરસાદ નોંધાયો છે. આ વરસાદથી ખેડૂતોમાં ખુશીનો માહોલ છે અને પાણીની સમસ્યા હલ થવાની આશા વધી છે.
રાજ્યના વિવિધ વિસ્તારોમાં સંતોષકારક વરસાદ
રાજ્યના વિવિધ ભાગોમાં સારો વરસાદ નોંધાયો છે. સાબરકાંઠાના તલોદમાં 3.07 ઇંચ, અમદાવાદના સાણંદમાં 3.03 ઇંચ, જામ કંડોરણામાં 2.83 ઇંચ અને પ્રાંતિજમાં 2.72 ઇંચ વરસાદ પડ્યો છે. આ ઉપરાંત, અરવલ્લીના બાયડ અને વલસાડના ઉમરગામમાં 2.6 ઇંચ, ધરમપુરમાં 2.48 ઇંચ, પાલનપુરમાં 2.36 ઇંચ, રાધનપુરમાં 2.28 ઇંચ, દાંતામાં 2.24 ઇંચ, કડીમાં 2.17 ઇંચ અને ભિલોડામાં 2.9 ઇંચ વરસાદ નોંધાયો છે. આ વરસાદથી જળાશયો અને તળાવોની જળસપાટીમાં વધારો થયો છે.
