Sabarkantha: હરણાવ ડેમમાંથી પાણી છોડાયું, પોળો ફોરેસ્ટ તરફ જતો મુખ્ય માર્ગ પાણીમાં ગરકાવ થયો

સાબરકાંઠામાં હરણાવ ડેમમાંથી પાણી છોડાયું છે. પોળો ફોરેસ્ટ જવાના રસ્તા પર પાણી ફરી વળ્યા છે. પોળો ફોરેસ્ટ તરફ જતો મુખ્ય માર્ગ પાણીમાં ગરકાવ થયો છે. પ્રવાસીઓ માટે પોળો ફોરેસ્ટ માર્ગ પર અવરજવર મુશ્કેલ બની છે. ઇડર, વડાલી, ખેડબ્રહ્મા, વિજયનગરમાં વરસાદી માહોલ જામ્યો છે. વણજ ડેમ, નદીઓ અને નાળાઓમાં પાણીની આવક વધી રહી છે. મુખ્ય માર્ગ પર વરસાદી પાણી ભરાતા લોકોને હાલાકી પડી રહી છે.

હરણાવ ડેમમાંથી પાણી છોડાયું

સાબરકાંઠાના પોળો ફોરેસ્ટ જવાના રસ્તા પર પાણી ફરી વળ્યા છે. વિજયનગરના વણજ હરણાવ ડેમમાંથી પાણી છોડાયું છે. ડેમનું પાણી છોડાતા પોળો ફોરેસ્ટ તરફ જતો મુખ્ય રોડ પાણીમાં ગરકાવ થયો છે. ગ્રામ્ય પંથકમાં નદીઓ અને નાળાઓમાં પાણીની આવક વધી છે. તંત્ર દ્વારા નદી-નાળા કિનારેથી દૂર રહેવા અનુરોધ કરાયો છે. વિજયનગર સહિતના વિસ્તારોમાં હજી પણ ઝરમર વરસાદ શરૂ છે.

પોળો ફોરેસ્ટ જવાના રસ્તા પર પાણી ફરી વળ્યા

ઉપરવાસમાં અને જિલ્લામાં પડેલા ભારે વરસાદના કારણે નદીઓ ગાંડીતૂર થઈ છે. ભારે વરસાદથી રોડ પર પાણી ફરી વળ્યા છે. વણજ હરણાવ ડેમમાંથી પાણી છોડવામાં આવી રહ્યું છે. તંત્ર દ્વારા લોકોને નદી-નાળા કિનારેથી દૂર રહેવા અનુરોધ કરાયો છે. હવામાન વિભાગ દ્વારા સાબરકાંઠા સહિતના વિસ્તારોમાં ભારે થી અતિભારે વરસાદની આગાહી કરવામાં આવી છે.