Mahisagar: પાનમ ડેમમાં પાણી આવકમાં સતત વધારો, ડેમના 6 ગેટ 10 ફૂટ ખોલી નદીમાં પાણી છોડાયું

પાનમ ડેમમાં પાણી આવકમાં સતત વધારો થઈ રહી છે. ઉપરવાસમાં વરસાદને કારણે પાણીની આવક વધી રહી છે. પાનમ ડેમમાંથી 85,000 ક્યુસેક પાણી નદી છોડાયું છે. ડેમના 6 ગેટ 10 ફૂટ ખોલી નદીમાં પાણી છોડાયું છે. નદી કાંઠાના તમામ ગામોને એલર્ટ કરાયા છે. પાનમ નદીમાં હજુ વધુ પાણી છોડાઇ શકે તેવી શક્યાઓ વ્યક્ત કરવામાં આવી છે.

પાનમ ડેમમાં પાણી આવકમાં સતત વધારો

ઉપરવાસમાં સતત વરસાદને લઈ પાનમ ડેમમાં પાણી આવક સતત વધી રહી છે. પાનમ ડેમમાં પાણીની આવક વધતા 85,000 ક્યુસેક પાણી છોડવામાં આવ્યું છે. ડેમમાં 6 ગેટ 10 ફૂટ સુધી ખોલી પાનમ નદીમાં પાણી છોડાયું છે. નદી કાંઠાના તમામ ગામો એલર્ટ કરાયા છે. પાણીની આવક જોતા હજુ વધારે પ્રમાણમાં પાણી છોડવામાં આવી શકે છે.

પાનમ નદીમાં હજુ વધુ પાણી છોડાઇ શકે તેવી શક્યાઓ

રાજ્યમા હાલમાં 113 ડેમમાં 90 ટકાથી વધુ પાણી હોવાથી હાઈ એલર્ટ પર મુકાયા છે. 27 ડેમમાં 80થી 90 ટકા પાણીનો જથ્થો હોવાથી એલર્ટ પર રખાયા છે. જ્યારે 70થી 80 ટકા પાણીનો જથ્થો ધરાવતા 10 ડેમને વોર્નિંગ પર રાખવામાં આવ્યા છે. 56 ડેમ એવા છે જેમાં 70 ટકાથી ઓછો પાણીનો જથ્થો છે.રાજ્યના 207 ડેમમાં 85.22 ટકા વરસાદ ખાબક્યો છે.નર્મદા ડેમમાં હાલ 89.75 ટકા પાણીનો જથ્થો છે. ઉત્તર ગુજરાતના 15 ડેમમાં 76, મધ્ય ગુજરાતના 17 ડેમમાં 94, દક્ષિણ ગુજરાતના 13 ડેમમાં 81.73 અને કચ્છના 20 ડેમમાં 59.95 ટકા પાણીનો જથ્થો છે.