Patanમાં ભારે વરસાદથી તારાજી સર્જાય, ઠેર ઠેર પાણી ભરાતા જનજીવન ઠપ્પ થયું

પાટણ જિલ્લામાં ભારે વરસાદથી તારાજી સર્જાય છે. ભારે વરસાદના પગલે ઠેર ઠેર પાણી ભરાતા લોકોને હાલાકી પડી રહી છએ. પાટણના સિદ્ધપુર તાલુકામાં એક જ દિવસમાં 8 ઈંચ કરતા વધુ વરસાદ ખાબક્યો છે. ભારે વરસાદથી કાકોશી ગામનું તળાવ ઓવરફ્લો થયું છે. તળાવનું પાણી ગામમાં ઘૂસતા ગામ બેટમાં ફેરવાયું છે.

પાટણ જિલ્લામાં ભારે વરસાદથી તારાજી સર્જાય

સિદ્ધપુરમાં વરસાદ મુદ્દે મંત્રી બળવંતસિંહ રાજપૂતનું નિવેદન સામે આવ્યું છે. સિદ્ધપુરમાં એક જ દિવસમાં ભારે વરસાદ પડ્યો છે. 15 વર્ષ પછી આટલો ભારે વરસાદ પડ્યો છે. સિઝનનો 60 ઈંચ કરતા વધુ વરસાદ પડ્યો છે. ગામડાઓમાં પણ પાણી ભરાયાની સ્થિતિ છે. અમે અનેક ગામની મુલાકાત લીધી છે.

પાટણના બસ સ્ટેશનમાં પાણી ભરાયા

પાટણ શહેરમાં ઠેર ઠેર વરસાદી પાણી ભરાયા છે. પાટણના હંગામી બસ સ્ટેશનમાં પાણી ભરાયા છે. પાણી ભરાતા બસમાં જતા પેસેન્જરો અટવાયા છે. પાટણમાં મોડી રાત થી પવન સાથે ભારે વરસાદ પડી રહ્યો છે. ઉપરવાસથી આવેલ વરસાદી પાણી તેમજ એક જ રાત્રીમાં પડેલ 8 ઇંચ વરસાદથી જનજીવન ઠપ્પ થયું છે.