Surat Rain News: સુરતના સરથાણામાં ખાડી પૂરે વેર્યો વિનાશ, ઘરોમાં ભરાયા પાણી

સુરતમાં વરસાદી કહેર યથાવત્ છે. અહીં ઠેર-ઠેર પાણી ભરાયા છે. વાહનોના સ્થાને હોડીનો ઉપયોગ કરવામાં આવી રહ્યો છે. તંત્રની બેદરકારીના કારણે રસ્તા પર પાણી ભરાયા છે. અને રહીશોને હાલાકી ભોગવવાનો વારો આવ્યો છે. રહેણાંક વિસ્તારમાં ખાડીના ગંદા પાણીએ સામ્રાજ્ય બનાવ્યુ છે. જેના કારણે બીમારી વધવાની શક્યતા વધી ગઇ છે. બજારોમાં પાણી ભરાયા દુકાન માલિકો પરેશાન થયા છે.

દુકાન માલિકોનો તંત્ર સામે રોષ

સુરતના સરથાણામાં ખાડી પૂરે વિનાશ વેર્યો છે. દુકાનો પાણીમાં ગરકાવ થતા કરોડોનું નુકસાન થયુ છે. દુકાનોમાં રહેલો માલ-સામાન પલળતા મોટી નુકસાની વેઠવાનો વારો આવ્યો છે. દુકાન માલિકોએ તંત્ર સામે રોષ ઠાલવ્યો છે. ગંદા પાણીએ ઘર અને દુકાનોમાં કિચડના થર બનાવ્યા છે. જેના કારણે ગંદકીના દ્રશ્યો જોવા મળી રહ્યા છે. સ્માર્ટ સીટીમાં પાણી ભરાતા સુરતની હાલત બદ્સુરત થઇ છે. અહીંના સ્થાનિકોના હાલ બેહાલ થયા છે.

જન-જીવન ખોરવાયું

સુરતમાં મેઘરાજાની તોફાની બેટિંગે વેનાશ વેર્યો છે. જ્યાં જુઓ ત્યાં માત્ર પાણી જ પાણી જોવા મળી રહ્યુ છે. આ વિકટ પરિસ્થતિમાં તંત્રની કામગીરી નિષ્ક્રિય સાબિત થઇ રહી છે. વરસાદી પાણીએ પ્રિ-મોન્સૂનના નામે કરેલી ખાના પૂર્તિથી તંત્રની પોલ ખુલી છે. સુરત સહિત સમગ્ર રાજ્યમાં વરસાદ વરસી રહ્યો છે. જેના કારણે વિકટ પરિસ્થિતિ સર્જાઇ છે.