Surat Rain News: ભારે પવન સાથે વરસાદ વરસતા રસ્તા પર ભરાયા પાણી

રાજ્યમાં વરસાદી માહોલ જામ્યો છે. ભારે પવન સાથ સતત વરસાદ વરસી રહ્યો છે. હવામાન વિભાગે આગામી દિવસો ભારેથી અતિભારે વરસાદની આગાહી કરી છે. રસ્તા પર નદીઓ જેવું વહેણ દેખાઇ રહ્યુ છે. ભારે વરસાદના કારણે નદીઓ, જળાશયો અને ડેમમાં નવા નીર આવ્યા છે. નદીઓ પણા પાણીનું સ્તર વધતા છલકાઇ છે. અને બન્ને કાંઠે વહી રહી છે. સ્થાનિકો પરેશાન છે. અને વાહન ચાલકોને વાહન ચલાવવામાં મુશ્કેલીઓ નડી રહી છે.

વૃક્ષો ધરાશાયી થવાની ઘટના

સુરતમાં ભારે પવનથી 200 વર્ષ જુનું ઝાડ ધરાશાયી થયુ છે. દિલ્હી ગેટ ગોપાલજીની હવેલી નજીક આ ઘટના બની છે. વૃક્ષ ધરાશાયી થતા રીક્ષા અને મકાનને નુકસાન પહોંચ્યુ છે. સદનસીબે ઘટનામાં કોઈ જાનહાનિ થઇ નથી. વૃક્ષો ધરાશાયી થયા બાદ તંત્ર તેને હટાવવાની કામગીરી કરી રહ્યુ છે. જેને કારણે સ્થાનિક રાહદારીઓ અને વાહન ચાલકોને કોઇ પણ વસ્તુઓ નડતરરૂપ ના રહે. મનપાની કામગીરી લોકો સુધી પહોંચી રહે તે માટે સૌ કોઇ પ્રયત્ન કરી રહ્યુ છે.

વરસાદી કહેર યથાવત્

રાજ્યમાં મેઘરાજા મન મુકીને વરસી રહ્યા છે. જેના કારણે પાણીનું સ્તર નદીઓ, જળાશયો અને ડેમમાં વધી રહ્યુ છે. વરસાદી માહોલના કારણે ખેતરોમાં જળાશય જેવા દ્રશ્યો જોવા મળી રહ્યા છે. રસ્તા પર નદીઓ જેવું વહેણ દેખાઇ રહ્યુ છે. તો વાહનોના સ્થાને હોડીનો ઉપયોગ કરવામાં આવી રહ્યો છે. ખેતરોમાં નુકસાન થતા ખેડૂતોની હાલત દયનીય બની છે. અંતરિયાળ ગામડાંઓ સંપર્ક વિહોણા બન્યા છે. જેના કારણે તેમના સુધી મદદ પહોંચાડવી તંત્ર માટે મુશ્કેલ સાબિત થઇ રહી છે.