ચોમાસાને લઈને પણ મહત્વની આગાહી કરવામાં આવી છે.આજે મોડી રાત્રે વરસાદના પ્રવેશની શક્યતાઓ વ્યક્ત કરાઈ છે. હવામાન વિભાગ દ્વારા આ અંગે આવતીકાલે સત્તાવાર જાહેરાત થઈ શકે છે. દક્ષિણ ગુજરાત અને સૌરાષ્ટ્રમાં વરસાદની આગાહી કરવામાં આવી છે. આગામી બે દિવસમાં વાવણી લાયક વરસાદ થઈ શકે છે. જૂનના અંત સુધીમાં સમગ્ર ગુજરાતમાં ચોમાસુ પહોંચશે. આ દરમિયાન હવામાન વિભાગે રાત્રે 10 વાગ્યા સુધી વરસાદની ચેતવણી જાહેર કરી છે.
આજે રાત્રે 10 વાગ્યા સુધીમાં હવામાન વિભાગની ચેતવણી
હવામાન વિભાગે આજે રાત્રે 10 વાગ્યા સુધીમાં જૂનાગઢ, રાજકોટ, તાપી, ડાંગ, છોટાઉદેપુર અને નર્મદા જિલ્લામાં વરસાદનું રેડ એલર્ટ જાહેર કર્યું છે. આ ઉપરાંત ગીર સોમનાથ, અમરેલી, ભાવનગર, વડોદરા, સુરત, નવસારી, ભરૂચ અને વલસાડમાં વલસાડનું ઓરેન્જ એલર્ટ જાહેર કરવામાં આવ્યું છે. હવામાન વિભાગે આ વિસ્તારોમાં વીજળીના કડાકા ભડાકા સાથે ભારે વરસાદની આગાહી કરી છે. 15 મીમી સુધી વરસાદ થઈ શકે છે. જ્યારે 60 કિ.મી સુધી પવન ફૂંકાઈ શકે છે.
