નવસારીના ગણદેવી રોડ પર એક ભયાનક અકસ્માત સર્જાયો હતો. આ અકસ્માતમાં એક વ્યક્તિનું મોત નીપજ્યું હતું. આ કાર અકસ્માતના સીસીટીવી ફૂટેજ સામે આવ્યા છે. જેમાં જોઈ શકાય છે કાર પુરઝડપે રોડ પરથી આવી રહી છે, જે બાદ આ કાર અચાનક રોડની સાઈડ પર આવેલા મોલની દિવાલ સાથે અથડાય છે. આ અકસ્માતમાં કારમાં સવાર એક યુવકનું ઘટના સ્થળે જ મોત થયું છે. જ્યારે અન્ય ત્રણ યુવકોને ગંભીર ઈજાઓ પહોંચી છે.
કાર ચાલકે સ્ટિયરિંગ પરથી કાબૂ ગુમાવતા અકસ્માત
ઘટનાની મળતી વિગતો અનુસાર, નવસારીના ગણદેવી રોડ પર આવેલા તીઘરા નજીક કાર મોલની દિવાલ સાથે અથડાઇ હતી. કાર ચાલકે સ્ટિયરિંગ પરથી કાબૂ ગુમાવતા અકસ્માત થયો હતો. ગંભીર અકસ્માતમાં ઘાયલ થયેલા ત્રણ યુવાનો હાલ સારવાર હેઠળ છે.
