Navsariમાં બંધ શાળાના ઓટલા પર દારૂ પાર્ટી કરતા ત્રણ ઈસમો ઝડપાયા, પોલીસે પ્રોહિબિશન એક્ટ હેઠળ કાર્યવાહી કરી

જલાલપોર તાલુકાના આસણા ગામની સરકારી શાળામાં દારૂની પાર્ટી કરતા લોકો ઝડપાયા છે. ધ શાળાના ઓટલા પર દારૂની પાર્ટી કરતા ઇસમોનો ગામના યુવકે વીડિયો બનાવી વાયરલ કર્યો હતો. દારૂની પાર્ટીનો વિરોધ કરી ગામના યુવાને સરપંચને કાર્યવાહી કરવા જણાવ્યું હતું. વીડિયો બનાવી વાયરલ કરાતા ગામના લોકોએ મોડી રાત્રે યુવાનના ઘરે પહોંચી હોબાળો કર્યો હતો..

આસણા શાળામાં દારુ પાર્ટી કરતા 3ની ધરપકડ

વીડિયો બનાવનાર યુવાનના પિતાએ મરોલી પોલીસ મથકમાં ફરિયાદ કરી છે. નવસારીની આસણા શાળામાં દારૂ પાર્ટી મામલે પોલીસે કાર્યવાહી કરી છે. શાળાના મકાનમાં દારૂ પાર્ટી મામલે મરોલી પોલીસે કાર્યવાહી કરી છે. બંધ શાળાના ઓટલા પર દારૂ પાર્ટી કરવા બેઠેલા ત્રણની પોલીસે ધરપકડ કરી છે. જાહેરમાં દારૂ પાર્ટી કરી રહેલા ત્રણને પોલીસે કાયદાનો પાઠ ભણાવ્યો છે.

આરોપીઓ સામે પ્રોહીબીશન એક્ટ હેઠળ કાર્યવાહી

 પોલીસે દારૂ પાર્ટી કરી રહેલા ઈસમોની સાથે બે બાઇક જપ્ત કરી છે. પોલીસે ઝડપાયેલ ઈસમો વિરુધ્ધ પ્રોહીબીશન એક્ટ હેઠળ કાર્યવાહી હાથ ધરી છે. દારૂ પાર્ટીનો વીડિયો વાયરલ થયા બાદ મરોલી પોલીસે કાર્યવાહી કરી હતી.પોલીસે બંધ શાળાના ઓટલા ઉપર પાર્ટી કરી રહેલા ત્રણની ધરપકડ કરી હતી.