બનાસકાંઠા જિલ્લામાં ઇકબાલગઢ ફોરેસ્ટ રેન્જની ટીમે 10 શિકારીઓને હથિયાર સાથે ઝડપી લીધા છે. શિકારીઓ પાસે લાયસન્સ વગરના હથિયારો હતા અને તેઓ વન્ય જીવોનો શિકાર કરી રહ્યા હતા.
શિકારીઓએ નીલ ગાયનો શિકાર કર્યો
આ શિકારીઓએ નીલ ગાયનો શિકાર કર્યો હતો અને ત્યારબાદ સર્ચમાં નિકળેલી ફોરેસ્ટની ટીમે તેઓ વધુ શિકાર કરે તે પહેલાં જ તમામ શિકારીઓને ઝડપી લીધા હતા. સૂત્રોના જણાવ્યા અનુસાર શિકારીઓની ટુકડી 14 જણાની હતી, જેમાંથી 10 શિકારીઓને ઝડપી લેવાયા અને 4 શિકારીઓ ફરાર થઇ ગયા હતા. ફરાર શિકારીઓને ઝડપી લેવાની તજવીજ વન વિભાગ દ્વારા કરાઇ છે
