પંચમહાલ જિલ્લાના શહેરા મોરવા રેણા માર્ગ પર ખાણ અને ખનીજ વિભાગે ગેરકાયદે ખનીજ ચોરી સામે મોટી કાર્યવાહી હાથ ધરી છે. આ કાર્યવાહી દરમિયાન રોયલ્ટી પાસ અને ઓવરલોડ રેતી ભરીને જતા બે વાહનોને ઝડપી પાડવામાં આવ્યા છે. આ ઘટના છાણીપ ચોકડી પાસેથી બની હતી. ખનીજ વિભાગને બાતમી મળી હતી કે કેટલાક વાહનો રોયલ્ટી ભર્યા વગર અને નિર્ધારિત ક્ષમતા કરતાં વધુ રેતી ભરીને હેરફેર કરી રહ્યા છે.


શહેરા મોરવા રેણા માર્ગ પર ખાણ ખનીજ વિભાગની કાર્યવાહી

આ બાતમીના આધારે ખનીજ વિભાગની ટીમે તાત્કાલિક દરોડો પાડીને બંને વાહનોને રોક્યા હતા અને તેમની તપાસ હાથ ધરી હતી. તપાસ દરમિયાન વાહનોના ચાલકો પાસે જરૂરી રોયલ્ટી પાસ ન હોવાનું અને ઓવરલોડ રેતી ભરેલી હોવાનું જાણવા મળ્યું હતું. આ કાર્યવાહીમાં ખનીજ વિભાગે બંને વાહનો અને તેમાં ભરેલી રેતી સહિત કુલ રૂ.40 લાખથી વધુનો મુદ્દામાલ જપ્ત કર્યો છે.

Also Read

ખનીજ વિભાગે 40 લાખનો મુદ્દામાલ ઝડપ્યો

આ બંને વાહનોને જપ્ત કરીને તાલુકા સેવા સદન ખાતે લાવવામાં આવ્યા છે. જ્યાં તેમના પર કાયદેસરની કાર્યવાહી શરૂ કરવામાં આવી છે. આ ગેરકાયદેસર પ્રવૃત્તિમાં સામેલ અન્ય વ્યક્તિઓની પણ તપાસ ચાલી રહી છે. આ કાર્યવાહીથી ખનીજ ચોરોમાં ફફડાટ ફેલાયો છે. ખાણ અને ખનીજ વિભાગે જણાવ્યું છે કે ભવિષ્યમાં પણ આવી ગેરકાયદે પ્રવૃત્તિઓ સામે કડક પગલાં લેવામાં આવશે.


  • Follow us on: