પાટણમાં કારની ચોરીની ઘટના સામે આવી છે. હારીજમાં ગતરોજ મોડી રાત્રે બ્રાન્ડેડ કંપનીની કારની ચોરીની ઘટના બનવા પામી. રસ્તા પર જયારે કાર પલટી ખાઈ ગઈ જતા કારની ચોરીનો ભેદ ખૂલ્યો. ચોરીનો ભેદ ખૂલતા ચોંકાવનારી માહિતી સામે આવી. જેમાં હારીજ-રાધનપુર હાઇવે પરથી કારની ચોરી થઈ હતી. આ કારની ચોરી કોઈ ઠગ કે લુખાતત્વોએ નહીં પરંતુ એક મુક બધીર સગીર દ્વારા કરવામાં આવી હતી. આ બાબત સામે આવતા લોકો ચોંકી ગયા.
ગાડી પલટી ખાઈ ગઈ અને ચોરીનો ભેદ ખૂલ્યો
પ્રાપ્ત માહિતી મુજબ પાટણના હારીજમાં કાર ચોરીનો મામલો સામે આવ્યો છે. કાર ચોરીની સમગ્ર ઘટના CCTVમાં કેદ થઈ છે. આ CCTV ફૂટેજ એક મેડિકલ સ્ટોરના છે. CCTV ફૂટેજમાં દેખાય છે કે ગતરોજ મોડી રાત્રે મુક બધીર બાળક મેડિકલ સ્ટોર માંથી ગાડીની ચાવી લઈ ગયો. અને હારીજ રાધનપુર હાઇવે રોડ ઉપર આવેલ વેદ હોસ્પિટલ પાસે પાર્ક hyundai venu ગાડી મુક બધીર બાળક લઈ ફરાર થઈ ગયો. અને જયારે તે શહેરના હાઇવે રોડ થી મેન બજારમાંથી પસાર થતો હતો ત્યારે નગરપાલિકા ઓફિસ પાસે ગાડીએ પલટી મારી.
