પાટણ શહેરના અંબાજી નેળીયા વિસ્તારમાં આજે ભાજપની 'યુનિટી માર્ચ' (Unity March) દરમિયાન અણધાર્યો માહોલ સર્જાયો હતો. સ્થાનિક વિસ્તારની લગભગ 100થી વધુ મહિલાઓએ એકઠા થઈને માર્ચમાં સામેલ ભાજપના નેતાઓ અને પદાધિકારીઓને ઘેરી લીધા હતા. આક્રોશિત મહિલાઓએ છેલ્લા ત્રણ વર્ષથી વરસાદી પાણી ભરાઈ રહેવાની ગંભીર સમસ્યા મુદ્દે નેતાઓને સવાલો કર્યા હતા અને તાત્કાલિક ઉકેલની માંગ સાથે ઉગ્ર રજૂઆત કરી હતી. ભાજપના નેતાઓ જ્યારે આ વિસ્તારમાંથી પસાર થઈ રહ્યા હતા, ત્યારે મહિલાઓ એકાએક રસ્તા પર આવી ગઈ હતી અને તેમને ઘેરી લીધા હતા.
અંબાજી નેળીયામાં ભાજપ નેતાઓની 'ઘેરાબંધી'
