પાટણ જિલ્લામાં દારૂની હેરાફેરી કરતા તત્વો પર સ્ટેટ મોનિટરિંગ સેલ (SMC) દ્વારા સકંજો કસવામાં આવ્યો છે. SMC ની ટીમે રાધનપુર નજીક આવેલા શબ્દલપુરા ગામ પાસેથી લાખો રૂપિયાનો વિદેશી દારૂ ઝડપી પડ્યો છે. જોકે રેડ દરમિયાન કારનો ચાલક ફરાર થવામાં સફળ રહ્યો હતો.


શબ્દલપુરા ગામ નજીકથી પકડાયી દારૂની હેરાફેરી

Also Read

મળતી જાણકારી અનુસાર, SMC ની ટીમને પાટણ જિલ્લામાં દારૂની મોટી હેરાફેરી થવાની બાતમી મળી હતી. જેના આધારે રાધનપુર પાસેના શબ્દલપુરા ગામ નજીક વોચ ગોઠવવામાં આવી હતી. આ દરમિયાન એક લકઝુરિયસ કાર શંકાસ્પદ હાલતમાં પસાર થતાં તેને રોકવાનો પ્રયાસ કરાયો હતો. SMC ની ટીમને જોઇને કાર ચાલક વાહન મૂકીને ફરાર થઇ ગયો હતો. કારની તલાશી લેતા અંદરથી રૂપિયા અંદાજિત 14 લાખની કિંમતનો દારૂનો જથ્થો મળી આવ્યો હતો. SMC દ્વારા દારૂના જથ્થા ઉપરાંત કાર સહિત કુલ રૂપિયા 38.96 લાખનો મુદ્દામાલ કબજે કરવામાં આવ્યો છે.

SMC દ્વારા કડક કાર્યવાહી

આ મામલે SMC દ્વારા કડક કાર્યવાહી હાથ ધરવામાં આવી છે. દારૂની હેરાફેરીમાં સંડોવાયેલા કુલ ચાર આરોપીઓ સામે ગુનો નોંધીને તપાસ શરૂ કરવામાં આવી છે. જેમાં કારના માલિક, કારનો ડ્રાઈવર, દારૂ મોકલનાર વ્યક્તિ અને દારૂ મેળવનાર વ્યક્તિ એમ તમામનો સમાવેશ થાય છે. ફરાર થયેલા આરોપીઓને ઝડપી પાડવા પોલીસે ચક્રો ગતિમાન કર્યા છે. આ કાર્યવાહી દારૂબંધીનો ભંગ કરતા તત્વોમાં ફફડાટ વ્યાપી ગયો છે.


  • Follow us on: