Patan News : સોનીવાડામાં અજાણ્યા બે ઇસમો 18થી 20 વીંટીની ચોરી કરી થયા ફરાર

પાટણ શહેરમાં પાલીસ તંત્ર જાણે ઘોર નિંદ્રામાં હોય તેવી ઘટના સામે આવી છે. પાટણ શહેરમાં ચોરો બેફામ બનીને ચોરીની ઘટનાને અંજામ આપી રહ્યા છે. પાટણમાંથી બે દિવસ પહેલા થયેલ ચોરીના CCTV ફૂટેજ સામે આવ્યા હતા . સોનીવાડામાં આવેલ ગૌરી જ્વેલર્સમાં ચોરી થઇ હતી. જે ચોરીને બે અજાણ્યા ઇસમોએ અંજામ આપ્યો હતો. સોની એ પત્નીને દુકાનમાં બેસાડી હતી તે સમયનો ચોરોએ લાભ ઉઠાવી ચોરીને અંજામ આપ્યો હતો. 18થી 20 વીંટીની ચોરી કરી ફરાર થઈ ગયા હતા.

પાટણ શહેરમાં ચોરો બન્યા બેફામ

પાટણ શહેરમાં બે દિવસ પહેલા સોનીવાડા વિસ્તારમાં થયેલ ચોરીના CCTV આવ્યા સામે છે. સોનીવાડામાં આવેલ ગૌરી જ્વેલર્સમાં ચોરી થઈ હતી. દુકાનમાં બે અજાણ્યા શખ્સો આવી કાનની કડી તેમજ પેન્ડલની માગ કરી હતી, દુકાનદારની પત્નીએ કડી તેમજ પેન્ડલ બતાવ્યું હતું પરંતુ પસંદ નથી આવ્યું તેમ કહી દુકાનદારની પત્નીને બેસાવાનું કહી અન્ય દુકાનમાં લેવા જવાનનું કહીને ચોરી કરી ફરાર થઈ ગયા હતા.

અજાણ્યા 2 ઇસમો 18થી 20 વીંટીની ચોરી કરી ફરાર

સોનીએ પત્નીને દુકાનમાં એકલી હોવાથી નજર ચૂકવી અજાણ્યા શખ્સો દ્વારા પ્લાસ્ટિકની થેલીમાં ભરેલ લેડીસ વીંટીઓની ચોરી કરી હતી. અજાણ્યા શખ્સો દ્વારા આશરે 18 થી 20 નંગ વીંટીની ચોરી કરવામાં આવી છે. આ તમામ ઘટના દુકાનમાં લગાવવામાં આવેલ સીસીટીવી કેમેરામાં કદ થઈ હતી. સોનીને ચોરીની જાણ થતાં તેણે સ્થાનિક પોલીસને જાણ કરી હતી. પોલીસે સીસીટીવી ફૂટેજના આધારે તપાસ હાથ ધરી છે.