Petladમાં સ્માર્ટ મીટરની કામગીરી સામે સ્થાનિકોએ વિરોધ કર્યો, પોલીસે મામલો થાળે પાડ્યો

પેટલાદ શહેરના ગોપાલપુરામાં સ્માર્ટ મીટર લગાવવાને લઈને સ્થાનિકોએ વિરોધ નોંધાવ્યો છે. પેટલાદ શહેરના લક્ક્ડપુરા નજીક ગોપાલપુરા વિસ્તાર આવેલો છે અને જે વિસ્તારમાં વીજ કંપનીના કર્મચારીઓ બપોરના સમયે સ્માર્ટ મીટર લગાવવા માટે પહોંચ્યા હતા. વીજ કંપનીના કર્મચારીઓએ રહીશોને પૂછ્યા વગર આડેધડ મીટરો કાઢી નાખી સ્માર્ટ મીટર લગાવવાની કામગીરી કરતા સ્થાનિકોએ વિરોધ નોંધાવ્યો હતો.

પેટલાદમાં સ્માર્ટ મીટરનો વિરોધ

હાલ સ્માર્ટ મીટરને લઈને વિવિધ સ્થળોએ વિરોધ ચાલી રહ્યો છે. પેટલાદ તાલુકાના લક્કડપુરા નજીક આવેલ ગોપાલપુરા વિસ્તારમાં વીજ કંપનીની ટીમ સ્માર્ટ મીટર લગાવવા પહોંચી હતી. સ્થાનિકોને કોઈપણ જાતની જાણ કર્યા વગર આડેધડ સ્માર્ટ મીટર લગાવતા રહીશોમાં રોષ ફેલાયો હતો.

ભારે વિરોધ થતા પોલીસ ઘટના સ્થળે આવી

ગોપાલપુરા વિસ્તાર સ્માર્ટ મીટરને લઈને લોકોએ ભારે વિરોધ નોંધાવ્યો હતો. વીજ કંપનીના કર્મચારીઓએ રહીશોને પૂછ્યા વગર આડેધડ મીટરો કાઢી નાખી સ્માર્ટ મીટર લગાવવાની કામગીરી કરતા સ્થાનિકોએ વિરોધ નોંધાવ્યો હતો. ભારે વિરોધ થતા આખરે પોલીસ પણ ઘટના સ્થળે આવી ગઈ હતી. વીજ કંપનીના કર્મચારીઓ દ્વારા સ્માર્ટ મીટર નાખવાની કામગીરી બંધ રખાઈ હતી.