Gujarat Bjp : ગુજરાત ભાજપના નવા પ્રમુખ અંગે મહત્વના સમાચાર, આ તારીખ પછી જ નવા પ્રમુખની જાહેરાત

છેલ્લા ઘણા મહિનાઓથી ગુજરાત ભાજપ પ્રદેશ પ્રમુખના નામને લઇને ભારે સસ્પેન્સ જોવા મળી રહ્યું છે અને હવે આ સસ્પેન્સ વધુ એક મહિનો આગળ વધી ગયું છે. ગુજરાત ભાજપના પ્રમુખ કોણ બનશે તે વિશે આગેવાનો અને કાર્યકરોમાં ભારે ઉત્સુક્તા જોવા મળી રહી છે અને તરેહ તરેહની અટકળો પણ થઇ રહી છે ત્યારે આ મામલે આજે મહત્વના સમાચાર આવ્યા છે.

9 સપ્ટેમ્બર પછી ગુજરાત ભાજપને નવા પ્રમુખ મળી શકે

મળેલી માહિતી મુજબ ગુજરાત ભાજપના નવા પ્રમુખ અંગે મોટા સમાચાર મળી રહ્યા છે. ગુજરાત ભાજપના પ્રમુખની હવે ઉપરાષ્ટ્રપતિની ચૂંટણી પછી જાહેરાત થઈ શકે છે એટલે કે9 સપ્ટેમ્બર પછી ગુજરાત ભાજપને નવા પ્રમુખ મળી શકે છે

આ રાજ્યોમાં પણ પ્રદેશ પ્રમુખની જાહેરાત થશે

મળેલી માહિતી મુજબ નવા પ્રદેશ અધ્યક્ષ ત્યાર બાદ બાદ માળખાની જાહેરાત કરશે. હવે ઉપરાષ્ટ્રપતિની ચૂંટણી પછી જાહેરાત કરવામાં આવશે. ગુજરાત, ઉત્તર પ્રદેશ, દિલ્હી અને અન્ય રાજ્યોમાં ભાજપના પ્રદેશ પ્રમુખની ચૂંટણી હવે ઉપરાષ્ટ્રપતિની ચૂંટણી પછી જ કરવામાં આવશે તેમ સુત્રોએ જણાવ્યું છે.

હાઇકમાન્ડનુ હાલ ઉપ રાષ્ટ્રપતિની ચૂંટણી પર ફોકસ

સુત્રોનું કહેવું છે કે ભાજપ હાઇકમાન્ડ હાલ ઉપ રાષ્ટ્રપતિની ચૂંટણી પર ફોકસ રાખી રહ્યું છે અને તેના કારણે વિવિધ રાજ્યોના પ્રદેશ પ્રમુખની પ્રક્રિયા શરુ કરવામાં આવી શકે છે અને ત્યારબાદ રાષ્ટ્રીય પ્રમુખની પ્રક્રિયા પણ શરુ થઇ શકે છે.