Kutch : માંડવી તાલુકા પંચાયતમાં ભારે હોબાળો, DDO ઉત્સવ ગૌતમ પર ગેરવર્તણૂકનો આરોપ મુકાયો

કચ્છની માંડવી તાલુકા પંચાયતમાં ભારે હોબાળો થયો હતો. આજે DDOની સમીક્ષા બેઠક દરમિયાન હોબાળો થયો હતો જેમાં ચૂંટાયેલા પદાધિકારીઓ સાથે ગેરવર્તણૂકનો આરોપ મુકવામાં આવ્યો છે.

 DDO ઉત્સવ ગૌતમ પર ગેરવર્તણૂકનો આરોપ મુકાયો

માંડવી તાલુકા પંચાયતમાં ડીડીએ દ્વારા આજે સમીક્ષા બેઠક બોલાવાઇ હતી જેમાં DDO ઉત્સવ ગૌતમ પર ગેરવર્તણૂકનો આરોપ મુકાયો હતો કે તેમણે ચૂંટાયેલા પદાધિકારીઓ સાથે ગેરવર્તણૂક કરી હતી જેના પગલે ભારે હોબાળો મચી ગયો હતો..

ધારાસભ્ય અનિરુદ્ધ દવે પણ તાલુકા પંચાયત પહોંચ્યા

હોબાળાના કારણે તાલુકા પંચાયત પ્રમુખ અને સભ્યોને બેઠકમાંથી બહાર કાઢાયા હતા. તેમણે આ કાર્યવાહીનો વિરોધ કર્યો હતો. ઘટનાના પગલે માંડવીના ધારાસભ્ય અનિરુદ્ધ દવે પણ તાલુકા પંચાયત પહોંચ્યા હતા.

 પ્રમુખ અને કારોબારી ચેરમેન ને અપમાન કરી બહાર કાઢાયા

આ મામલે ધારાસભ્યએ તાલુકાના પંચાયતના સભ્યો અને સરપંચો સાથે બેઠક યોજી હતી. એવો આરોપ લગાવાયો હતો કે DDO ને આવકારવા ગયેલા તાલુકા પંચાયત પ્રમુખ અને કારોબારી ચેરમેન ને અપમાન કરી બહાર કાઢાયા હતા. DDO ના ગેરવર્તણૂક મામલે સાંસદ, ધારાસભ્ય અને જિલ્લા પંચાયત પ્રમુખને ફરિયાદ કરવામાં આવી હતી.

જિલ્લા વિકાસ અધિકારીને પોલીસ બોલાવાની ફરજ પડી

ભારે હોબાળાને જોતાં જિલ્લા વિકાસ અધિકારીને પોલીસ બોલાવાની ફરજ પડી હતી અને પોલીસ બંદોબસ્ત સાથે DDO ને બહાર નીકળવું પડ્યું હતું. DDO ની વર્તણૂકથી ચૂંટાયેલા પદાધિકારી નારાજ થયેલા જોવા મળ્યા હતા.