Rajkot News: મનપાના કાર્યક્રમના આમંત્રણ કાર્ડમાં સાંસદ રામ મોકરિયાનું નામ બાકાત કર્યા બાદ ફરી ઉમેરાયુ

રાજકોટમાં ભાજપના નેતાઓ વચ્ચે આંતરિક ખટરાગ ચાલી રહ્યો હોવાની અટકળોએ જોર પકડ્યું છે.એક કાર્યક્રમમાં નો એન્ટ્રી વિવાદ બાદ રામ મોકરિયા મેદાને પડ્યા હતાં.તેમણે વિરોધીઓને લીધા આડે હાથ લીધા હતાં અને પોતાના ઉપર લખાયેલા પુસ્તકનું એક પેજ શેર કર્યું હતું. RMC, સૌરાષ્ટ્ર યુનિ, પોલીસમાં ગેરવહીવટની વાત રજૂ કરી હતી. આ ઉપરાંત શહેર ભાજપ પ્રમુખના આદેશ બાદ નામ કમી કરતા વિવાદ વકર્યો હતો. જાહેરમાં બેબાક નિવેદનો આપતાં મોકરિયા સામે કાર્યવાહી શરૂ કરાઈ હતી. પરંતુ હવે આ વિવાદનો અંત આવ્યો હોય તેવું લાગી રહ્યું છે.

આમંત્રણ કાર્ડમાં સાંસદ રામ મોકરિયાનું નામ ઉમેરાયું

રાજકોટમાં ભાજપના પદાધિકારીઓ અને સાંસદ રામ મોકરિયા વચ્ચે ચાલી રહેલા ખટરાગનો વિવાદ શમ્યો હોવાનું સામે આવ્યું છે. મહાનગર પાલિકાના કાર્યક્રમના આમંત્રણ કાર્ડમાં અગાઉ તેમનું નામ બાકાત રાખવામાં આવ્યું હતું. જ્યારે હવે તેમનું નામ ઉમેરવામાં આવ્યું છે. સાંસદે પદાધિકારીઓની પોલ ખોલતા વિવાદ થયો હતો. ભાજપ શહેર પ્રમુખના આદેશ બાદ મોકરીયાનું નામ કમી કરતા વિવાદ વકર્યો હતો. હવે આ વિવાદ શમ્યો હોય તેવું લાગી રહ્યું છે.

નામ બાકાત કર્યા બાદ સાંસદનું નામ ફરી ઉમેરાયું

સાંસદ રામ મોકરિયાએ જાહેરમાં મહાનગર પાલિકાના પદાધિકારીઓની પોલ ખોલતા વિવાદ સર્જાયો હતો. જેને પગલે અનેક પદાધિકારીઓ નારાજ થયા હતાં. ત્યાર બાદ મનપાના કાર્યક્રમમાં શહેર પ્રમુખના આદેશ બાદ તેમનું નામ કમી કરી દેવાતા વિવાદ વકર્યો હતો. મીડિયા સામે સવાલો ઉભા થતાં પક્ષ દ્વારા વિવાદનો અંત લાવવામાં આવ્યો છે. તાજેતરના કાર્યક્રમમાં સાંસદનું નામ આમંત્રણ કાર્ડમાં ઉમેરી દેવામાં આવ્યું છે.