Rajkotમાં ધારાસભ્યએ ઘરે સ્માર્ટ મીટર લગાવી દાખલો બેસાડ્યો, વીજ ચોરી અટકાવવાનો ઉપાય છે

રાજ્યમાં ઠેર-ઠેર સ્માર્ટ મીટરનો વિરોધ થઇ રહ્યો છે. તેવામાં રાજકોટમાં MLAએ પોતાના ઘરે સ્માર્ટ મીટર લગાવ્યું છે. પશ્ચિમના MLA ડો.દર્શિતા શાહે સ્માર્ટ મીટર પોતાના ઘરે લગાવ્યું છે. ધારાસભ્યએ PGVCLમાં સામેથી અરજી કરી સ્માર્ટ મીટર લગાવ્યું છે. પીજીવીસીએલના અધિકારો સ્માર્ટ મીટર માટે ધારાસભ્યના ઘરે પહોંચ્યા હતા.

 રાજકોટમાં MLAએ પોતાના ઘરે સ્માર્ટ મીટર લગાવ્યું

ધારાસભ્યએ સ્માર્ટ મીટર બેસાડી દાખલો બેસાડવા માંગતા હોવાનો અને સ્માર્ટ મીટરથી કોઈ ગડબડ નથી થતી હોવાનો દાવો કર્યો છે. ધારાસભ્યએ જણાવ્યું કે સ્માર્ટ મીટરને લઈને લોકોમાં જે ગેરસમજ છે જાગૃતિનો અભાવ છે. આમાં કોઈ જાતનો ભુલ થવાની શંકા રહેતી નથી. જાગૃતિના ભાગ રૂપે લોકોને અપિલ કરૂ છું કે આમાં કોઈ જાતની તકલીફ નથી.

વીજ વપરાશ કરશો તે પ્રમાણે બીલ આવશે

ધારાસભ્યએ જણાવ્યું કે લોકોના મનમા શંકા છે કે વધારે બીલ આવશે પણ એવું નથી તેમે જે વીજ વપરાશ કરશો તે પ્રમાણે બીલ આવશે. વીજ ચોરી અટકાવવાનો ઉપાય હોય તો આ સ્માટ મીટર છે. મારા વિસ્તારમાં 28 હજારથી વધુ સ્માટ મીટર લાગ્યા છે. સમગ્ર રાજકોટમાં 75 હજારની આસપાસ લાગ્યા છે. લોકોને વિનંતી છે કે આપના મનમા રહેલી ગેરસમજને દુર કરીએ.