Rajkot News: રાજકોટના આકડીયા ગામે માથાભારે હથિયારધારી શખ્શોનો એક પરિવારના 4 સભ્યો પર જીવલેણ હુમલો

રાજકોટના આકડીયા ગામે એક પરિવારના 4 સભ્યો પર જીવલેણ હુમલો, પોલીસે ઘટના સ્થળે પહોંચીને કાર્યવાહી હાથ ધરી હતી. એક જ પરિવારના 4 સભ્યો પર હુમલો થતા મામલો બિચકાયો હતો. જુની અદાવતના કારણે આ ઘટનાને અંજામ આપવામાં આવ્યો હતો. હુમલાખોરો હથિયાર સાથે એક ગાડીમાં આવ્યા અને એક પરિવાર પર આડેધડ મારામારી કરી 4 સભ્યોને ગંભીર ઈજાગ્રસ્ત કર્યા બાદ ત્યાંથી નાસી છુટ્યા હતા.

ઇજાગ્રસ્તોને સારવાર અર્થે જસદણ ખસેડવામાં આવ્યા

આ જીવલેણ હુમલામાં પરિવારના ચારેય સભ્યોને હુમલાખોરોએ ગંભીર ઇજાગ્રસ્ત કર્યા હતા. સમગ્ર ઘટના દરમિયાન ઇજાગ્રસ્તોને સારવાર માટે જસદણની હોસ્પિટલમાં ખસેડવામાં આવ્યા હતા. ઘટનાની જાણ થતાં વિંછીયા પોલીસે ઘટના સ્થળે પહોંચીને ચક્રો ગતિમાન કર્યા હતા. કુલ 6 આરોપીઓ કારમાં હથિયાર સાથે લઈને પરિવાર પર હુમલો કરવા આવ્યા હતા. ત્યારબાદ પોલીસે આગળની કાર્યવાહી હાથ ધરી હતી. 

પોલીસે ત્રણ આરોપીઓની કરી ધરપકડ

વિંછીયા પોલીસ દ્વારા તાત્કાલિક ધોરણે કાર્યવાહી કરી હુમલો કરવા આવનાર 6 આરોપીઓમાંથી 3 આરોપીઓને દબોચી લેવામાં આવ્યા હતા. ધરપકડ કરાયેલા આરોપિઓ: 1.મંગળુંભાઈ આપભાઈ કરપડા, 2.રાવતભાઈ આપભાઈ કરપડા, 3.જયરાજભાઇ વલકુભાઈ ધાધલ. 3 આરોપિઓની ધરપકડ થયા બાદ અન્ય 3 હુમલાખોરોની તપાસ પોલીસે હાથ ધરી છે.