રાજકોટના રેસકોર્ષ મેદાનમાં પાંચ દિવસીય જન્માષ્ટમીના શૌર્યનું સિંદૂર લોકમેળાનું પ્રભારી મંત્રીના હસ્તે ઉદ્દઘાટન કરવામાં આવતાની સાથે જ મેળાની રંગત જામી હતી પ્રથમ દિવસે જ રાત્રીના 8 વાગ્યા સુધીમાં દોઢ લાખ લોકોએ મેળો માણ્યો હતો. સળંગ ત્રણ રજાઓ હોવાથી મેળામાં લોકોની ભીડ જામી હતી. વેપારીઓને પણ ધંધા રોજગાર વધતા રાહત થઈ હતી. આ મેળાના ચોથા દિવસે પણ ભીડ જોવા મળી હતી.


ચોથા દિવસે સવારથી મેળો માણવા માટે લોકો ઉમટ્યા

રાજકોટમાં રેસકોર્સ ખાતે યોજાયેલા શોર્યનું સિંદૂર લોકમેળામાં ચાર દિવસમાં 10 લાખથી વધુ લોકોએ મુલાકાત લીધી હતી. લોકમેળામાં પ્રથમ દિવસે બપોર બાદ શરૂ થયેલી રાઈડ્સ હાલમાં હાઉસફૂલ જોવા મળી હતી. મેળામાં રાઉન્ડ ધ ક્લોક સઘન સુરક્ષા વ્યવસ્થા ગોઠવવામાં આવી છે. વરસાદે વિરામ લેતા વેપારીઓ અને રાઈડ સંચાલકોએ રાહતનો શ્વાસ લીધો હતો. આ મેળામાં રમકડાંના સ્ટોરમાં લોકોની ભારે ભીડ જોવા મળી હતી. મેળામાં ડ્રેગન રાઈડ્સ અને ચકડોળ લોકો માટે આકર્ષણનું કેન્દ્ર બન્યું હતું.

Also Read

19 મોબાઈલ ચોર અને ખિસ્સા કાતરૂ ઝડપાયા

રાજકોટના લોક મેળામાં રાઈડ્સમાં લોકોની કિલકારીઓ ગુંજી હતી. ડ્રેગન રાઈડ્સ અને ચકડોળ લોકો માટે આકર્ષણનું કેન્દ્ર બન્યું હતું. આ દરમિયાન પોલીસની સઘન સુરક્ષા હોવા છતાં પણ તસ્કરોને ભીડનો લાભ મળી ગયો હતો. મેળામાં 19 મોબાઈલ ચોર અને ખીસ્સા કાતરૂઓ પણ ઝડપાયા હતાં. જ્યારે વિખુટા પડેલા 100 કરતા વધુ બાળકો અને મહિલાઓનું પોલીસે પરિવાર સાથે મિલન કરાવ્યું હતું.

  • Follow us on: