Rajkot: મેટોડા નજીક અજાણ્યા શખ્સોએ હથિયારના ઘા ઝીંકી યુવકને મોતને ઘાટ ઉતાર્યો, યુવકની હત્યા પાછળનું કારણ અકબંધ

રાજકોટના મેટોડા નજીક યુવકની હત્યા કરવાની ઘટના સામે આવી છે. અજાણ્યા શખ્સોએ હથિયારના ઘા ઝીંકી યુવકને મોતને ઘાટ ઉતાર્યો છે. ખુલ્લા પ્લોટિંગ વિસ્તારમાં હત્યાથી ચકચાર મચી જવા પામી છે. મૃતક દિલીપ ગોહિલ બોટાદનો રહેવાસી છે. યુવકની હત્યા શા માટે કરી તેની પાછળનું કારણ અકબંધ છે. આ ઘટનાની જાણ થતા પોલીસ ઘટના સ્થળે દોડી આવી હતી. પોલીસે ફરિયાદ નોંધી તપાસ હાથ ધરી છે.

રાજકોટના મેટોડા નજીક યુવકની હત્યા 

રાજકોટના મેટોડા નજીક ખુલ્લા પ્લોટિંગ વિસ્તારમાં યુવકની તીક્ષ્ણ હથિયારના ઘા ઝીંકી હત્યા કરવામાં આવી છે. ગઈકાલે રાત્રીના સમયે અજાણ્યા શખ્સ દ્વારા હત્યા કરવામાં આવ્યાની ઘટના પ્રકાશમાં આવી છે. મૃતક દિલીપસિંહ ગોહિલ હોવાનો ખુલાસો થયે છે. મૂળ બોટાદના રહેવાસી રાજકોટ ખાતે મેટોડા નજીક રહેણાક વિસ્તારમાં રહેતા હતા. આ હત્યા અંગે મેટોડા પોલીસ દ્વારા પ્રાથમિક તપાસ હાથ ધરવામાં આવી છે. હત્યાનું કરણ અને આરોપી અંગે પોલીસ દ્વારા શોધખોળ કરવામાં આવી રહી છે.

અજાણ્યા શખ્સોએ હથિયારના ઘા ઝીંકી  હત્યા

મેટોડા નજીક ખુલ્લા પ્લોટિંગ વિસ્તારમાં યુવકની તીક્ષ્ણ હથિયારના ઘા ઝીંકી હત્યા કરવામાં આવી છે. કોઈ અજાણ્યા લોકો દ્વારા યુવકની હત્યા કરી ખુલ્લા મેદાનમાં ફેકી દેવામાં આવ્યો છે. આ ઘટના અંગે લોકોને જાણ થતા લોકો ઘટના સ્થળે દોડી ગયા હતા. આ ઘટનાની જાણ પોલીસને કરતા પોલીસ દોડી આવી હતી. પોલીસે મૃતદેહ કબજે લઈ પીએમ એર્થે ખસેડી વધુ તપાસ હાથ ધરી છે.