Halvad: હળવદમાં વીરગતિ પામેલા નરબંકાઓના પાળિયાઓને વિદ્યાર્થીનીઓએ રાખડી બાંધી રક્ષાબંધનની ઉજવણી કરી

હળવદ શૂરવીરોની ભૂમિ છે અને આ શૂરવીરોની ભૂમિ પર ચારે તરફ પાળિયા આવેલા છે ત્યારે છેલ્લા 8 વર્ષથી સરકારી શાળાની 100થી વધુ વિદ્યાર્થીઓનીઓ પાળિયાઓને રાખડી બાંધીને રક્ષાબંધનની અનોખી ઉજવણી કરી છે. હળવદ શહેરના ચારે તરફ આવેલા આશરે 300થી વધુ પાળીયાઓને સરકારી શાળા નંબર 4 અને એલ.એન મહેતા ગર્લ્સ સ્કૂલની 100 જેટલી બાળાઓએ પાળિયાઓને રાખડી બાંધી અને તેમની શૂરવીરતાને પ્રમાણ કર્યા હતા.

વિદ્યાર્થીઓનીઓ પાળિયાઓને રાખડી બાંધી અનોખી ઉજવણી

યુદ્ધમાં શૂરવીરતા બતાવી પોતાનું પ્રાણ ત્યાગનાર શૂરવીરોનેની હાથ ખાલી ન રહે અને તેને લઈને આ નરબંકા શૂરવીરોને આજે રાખડી બાંધી ઉજવણી કરવામાં આવી હતી અને 300 જેટલી રાખડી બાંધી હતી. યુદ્ધમાં ગાયોની રક્ષા માટે બહેન દીકરીઓની રક્ષા માટે કે સીમાડાની રક્ષા માટે પોતાના પ્રાણની આહુતિ આપનાર નરબંકા શૂરવીરોને વીરત્વ પ્રગટે અને તેમને પણ રક્ષાબંધન પર્વએ કોઈ બહેન રાખડી બાંધે અને કોઈની પણ કલાઈ સુની ન રહે એવા હેતુથી રક્ષાબંધન પર્વની ઉજવણી છેલ્લા 8 વર્ષથી કરવામાં આવી રહી છે.

પાળિયાઓને રાખડી બાંધવા રક્ષા સુત્ર પણ વિદ્યાર્થીનીઓ જાતે જ બનાવે

હળવદ શહેરના શાળા નંબર ચારના શિક્ષક દિપકભાઈ ચૌહાણ તેમના વિદ્યાર્થીનીઓ સાથે રાખીને છેલ્લા આઠ વર્ષોથી શહેરના વિવિધ વિસ્તારમાં આવેલા પાળીયાઓને રાખડી બાંધીને ઉજવણી કરી રહ્યા છે પરંતુ હવે છેલ્લા બે વર્ષથી શાળા નંબર 4ની વિદ્યાર્થીનીઓ સાથે એલ એન મહેતા ગર્લ્સ સ્કૂલની વિદ્યાર્થીનીઓ મળીને રાખડી બાંધીને આ અનોખી ઉજવણી કરે છે. આ રક્ષાબંધન પર્વમાં પાળિયાઓને રાખડી બાંધવા રક્ષા સુત્ર પણ વિદ્યાર્થીનીઓ જાતે જ બનાવે છે અને ભવાની ભુતેશ્વરી માતાજી સમક્ષ સિદ્ધ કરીપૂજા અર્ચના બાદ રક્ષાબંધન પર્વની રાખડીઓ પાળિયાને બાંધી અનોખી ઉજવણીની કરવામાં આવે છે.