Surat News : વરાછામાં અસામાજિક તત્વો બેફામ, ઘનશ્યામ સોસાયટીમાં મચાવ્યો આતંક

સુરતના વરાછા વિસ્તારમાં સામાજિક તત્વોનો આતંક ફરી એકવાર સામે આવ્યો છે. વરાછાની ઘનશ્યામ નગર સોસાયટીમાં કેટલાક યુવકો અને એક મહિલા દ્વારા તોડફોડ કરવામાં આવી હતી. આ ઘટનાનો વીડિયો વાયરલ થતા વરાછા પોલીસે તપાસ હાથ ધરી છે.

ઘનશ્યામ નગર સોસાયટીમાં તોડફોડ

તમને જણાવી દઈએ કે, વરાછાના ઘનશ્યામ નગર સોસાયટીમાં મોડી રાત્રે કેટલાક અસામાજિક તત્વો ઘસી આવ્યા હતા. આ ટોળામાં કેટલાક યુવકોની સાથે એક યુવતી અને તેના સાથી મિત્ર પણ સામેલ હતા. આ તમામે સોસાયટીમાં જાહેરમાં તોડફોડ મચાવી હતી જેના કારણે સ્થાનિક રહીશોમાં ભય દેલયો હતો. આ ઘટનાનો એક વીડિયો પણ વાયરલ થયો છે જેમાં સ્પષ્ટપણે જોઈ શકાય છે કે કેવી રીતે આ અસામાજિક તત્વો દ્વારા સોસાયટીમાં તોડફોડ કરવામાં આવી રહી છે. વીડિયોમાં મહિલા પણ જોવા મળી રહી છે.

વાયરલ વીડિયોના આધારે પોલીસે તપાસ હાથ ધરી

વાયરલ થયેલા વીડિયોના આધારે વરાછા પોલીસે તાત્કાલિક કાર્યવાહી હાથ ધરી છે. પોલીસે વીડિયોમાં દેખાતા લોકોની ઓળખ કરવા અને તેમને ઝડપી પાડવા માટે તપાસનો ધમધમાટ શરૂ કર્યો છે. આ પ્રકારની ઘટનાઓ પર અંકુશ મેળવવા અને કાયદો તથા વ્યવસ્થા જણાવી રાખવા પોલીસ કડક પગલાં ભારે તેવી સ્થાનિક રહીશોમ માંગ કરી રહ્યા છે.