સુરતમાં જન્મદિવસની ઉજવણી એક યુવક માટે કાળ બનીને આવી છે. તાપી નદીમાં બોટમાં બર્થડે પાર્ટીની ઉજવણી કરવા ગયેલા યુવકનું બોટ પલટી જતાં કરૂણ મોત નીપજ્યું છે. આ ઘટનામાં અન્ય બે લોકોનો આબાદ બચાવ થયો છે.


તાપી નદીમાં બોટ પલતી જતા યુવકનું મોત

મળતી જાણકારી અનુસાર, જન્મદિવસની ઉજવણી કરવા માટે કેટલાક મિત્રો તાપી નદીમાં બોટમાં બેસીને પાર્ટી કરી રહ્યા હતા ત્યારે અચાનક બોટમાં પાણી ભરાવા લાગ્યું હતું. જોતજોતામાં બોટ ઉંધી વળી ગઈ હતી. આ ઘટનાથી પરિવારમાં શોકનો માહોલ છવાઈ ગયો છે. જન્મદિવસની ખુશી માતમમાં ફેરવાઈ જતાં સૌ કોઈ સ્તબ્ધ થઇ ગયા છે.

Also Read

બે લોકોનો આબાદ બચાવ

આ દુર્ઘટનામાં એક યુવક પાણીમાં ગરકાવ થઇ ગયો હતો અને તેનું મોત નીપજ્યું હતું. ઘટનાની જાણ થતા જ આસપાસના લોકો અને સ્થાનિક તંત્રના જવાનો ઘટનાસ્થળે પહોંચી ગયા હતા. અને એક યુવકનો મૃતદેહ બહાર કાઢવામાં આવ્યો હતો જયારે અન્ય બેનો આબાદ બચાવ થતાં તેમને સલામત સ્થળે ખસેડવામાં આવ્યા હતા.


  • Follow us on: