સુરતના સચિન વિસ્તારમાં આવેલી નિયોલ ચેકપોસ્ટ પાસે આજે એક દુર્ઘટના સર્જાઈ હતી. જેમાં એક કેદીઓથી ભરેલી એક પોલીસ બસને અકસ્માત નડ્યો હતો. આ અકસ્માતમાં કેટલાક પકડાયેલા આરોપીઓને ઈજા થઈ છે. સદનસીબે આ ઘટનામાં કોઈ ગંભીર જાનહાનિ થઈ નથી. આ અકસ્માત ત્યારે થયો જ્યારે સુરત કોર્ટમાંથી આરોપીઓને લાજપોર જેલ તરફ લઈ જવામાં આવી રહ્યા હતા.
ટ્રકની પાછળ પોલીસ બસ અથડાઈ હતી
અકસ્માતનું કારણ એ હતું કે પોલીસ બસ આગળ જઈ રહેલા એક ટ્રકની પાછળ અથડાઈ હતી. જેના કારણે આ ઘટના બની હતી. અકસ્માત બાદ તરત જ પોલીસ બસમાં રહેલા કેટલાક કેદીઓને સામાન્ય ઇજાઓ થઈ હોવાની જાણ થઈ હતી. ઘટનાની જાણ થતાં જ પોલીસ અને ઈમરજન્સી સેવાઓ તાત્કાલિક ઘટનાસ્થળે પહોંચી હતી. ઈજાગ્રસ્ત આરોપીઓને એમ્બ્યુલન્સ મારફતે નજીકની હોસ્પિટલમાં સારવાર માટે ખસેડવામાં આવ્યા હતા.
