Surat News: હીરા વેપારીનું 4 કરોડમાં ઉઠમણું, દલાલ અને હીરા વેપારીની ઊંઘ ઉડી ગઈ

સુરતમાં હીરા વેપારીનું 4 કરોડમાં ઉઠમણું કર્યું હોવાની ઘટના સામે આવી છે. વેપારી ડબ્બા ટ્રેડિંગનું પણ કામ કરતો હોવાની ચર્ચા જાગી છે. સૌરાષ્ટ્રનો વેપારી વર્ષોથી મહિધરપુરામાં ધંધો કરતો હતો. ઉઠમણાંથી દલાલ અને હીરા વેપારીની ઊંઘ ઉડી ગઈ છે. છેલ્લાં ઘણા સમયથી મંદીનો માહોલ ચાલી રહ્યો છે. તેવામાં મહિધરપુરા વિસ્તારમાં ફરી એક હીરા વેપારીએ ઉઠમણું કર્યું છે.

હીરા વેપારીનું 4 કરોડમાં ઉઠમણું કર્યું

હીરા વેપારી બજારમાંથી 4 કરોડ રૂપિયાનું ઉઠમણું કર્યું હોવીની ચર્ચા બજારમાં ચાલી રહી છે. મહિધરપુરાના બલ્લીશેરીમાં આવેલી શેરીમાં 30 હજારથી ઉપરના પોલીશ્ડ ડાયમંડની ખરીદી કરતા હતા. ઉઠામણાંના કારણે લેણદારો દોડતા થયા છે. ઉઠમણું કરનાર વેપારી ડબ્બા ટ્રેડિંગનું કામ કરતો હોવાનું પણ ચર્ચાઈ રહ્યું છે.

ડાયમંડ બજાર ઘણા સમયથી મંદી

સુરત ડાયમંડ બજાર ઘણા સમયથી મંદીમાં ચાલી રહી છે, નાના વેપારીઓને તેમને પુરતા ભાવ નથી મળી રહ્યા, તેવામાં આવા ઉઠમણાં થવાના કારણે જે પૈસા લેવાના થતા હોય તે પણ અટવાઈ જતા હોય છે. સૌરાષ્ટ્રનો વેપારી વર્ષોથી મહિધરપુરામાં ધંધો કરતો હતો. વેપારીના ઉઠમણાંથી દલાલ અને હીરા વેપારીની ઊંઘ ઉડી જવા પામી છે.