સુરતના ઓલપાડ તાલુકાના ડભારી દરિયા કિનારે આજે એક અનોખી ઘટના બની હતી. જ્યાં માછલીઓ લેવા માટે દરિયામાં ગયેલો એક ટેમ્પો ભરતીનું પાણી આવી જતા ફસાઈ ગયો હતો.


દરિયામાં ભરતી આવતા પાણીમાં ટેમ્પો ફસાયો

મળતી જાણકારી અનુસાર, ટેમ્પો ડ્રાઈવર દરિયાકિનારે માછલીઓ લેવા માટે ગયો હતો. જોકે અણધાર્યા સમયે દરિયામાં ભરતી આવતા પાણીનું સ્તર ઝડપથી વધુ ગયું હતું જેના કારણે ટેમ્પો પાણીમાં ફસાઈ ગયો અને બહાર નીકળી શક્યો નહીં. આ ઘટનાની જાણ થતા જ સ્થાનિકો અને તંત્ર દ્વારા મદદ માટે પ્રયાસો હાથ ધરવામાં આવ્યા હતા.

Also Read

JCB મશીનની મદદથી ટેમ્પો બહાર કઢાયો

આખરે JCB મશીનની મદદથી ફસાયેલા ટેમ્પોને સફળતાપૂર્વક પાણીમાંથી બહાર કાઢવામાં આવ્યો હતો. સદનસીબે આ ઘટનામાં કોઈ જાનહાની થઇ નહતી પરંતુ ટેમ્પોને થોડું નુકસાન થયું હોવાનું જાણવા મળ્યું છે. આ ઘટનાએ દરિયા કિનારે સાવચેતી રાખવા અને ભરતી ઓટના સમયનું ધ્યાન રાખવાના મહત્વ પર ભાર મૂક્યો છે.


  • Follow us on: