સુરત શહેરમાં ગુજરાત સાયબર ક્રાઇમ યુનિટ દ્વારા એક અત્યંત મોટા અને વ્યાપક સાયબર ફાઇનાન્સિયલ છેતરપિંડીના રેકેટનો પર્દાફાશ કરવામાં આવ્યો છે. આ કૌભાંડમાં કુલ ₹800 કરોડથી વધુની રકમની છેતરપિંડી આચરવામાં આવી હોવાનું પ્રાથમિક અનુમાન છે. આ વિશાળ ઓપરેશન સફળતાપૂર્વક પાર પાડીને, સાયબર પોલીસે કુલ 10 આરોપીઓની ધરપકડ કરી છે.
સુરતમાં રૂ. 800 કરોડથી વધુની છેતરપિંડીમાં કાર્યવાહી
આ રેકેટ દ્વારા ઓનલાઇન ફાઇનાન્સિયલ ફર્મના નામે લોકોને છેતરવામાં આવતા હતા. પોલીસ તપાસમાં સામે આવ્યું છે કે છેતરપિંડીની આ પ્રવૃત્તિઓ માટે આરોપીઓએ કુલ 482 બેન્ક એકાઉન્ટ્સનો ઉપયોગ કર્યો હતો. આ કૌભાંડ એટલું વ્યાપક હતું કે રાષ્ટ્રીય હેલ્પલાઇન 1930 પોર્ટલ પર તેના સંબંધમાં 1549 ઓનલાઇન ફરિયાદો નોંધાઈ હતી, જેના આધારે દેશભરમાં વિવિધ રાજ્યોમાં 22 FIR દાખલ કરવામાં આવી હતી.
